Train Accident: भयानक रेल्वे अपघात, मेमू गाडी समोरून मालगाडीला धडकली; डब्याचा अक्षरशः चुराडा झाला, सहा जणांचा मृत्यू
- Published by:Jaykrishna Nair
Last Updated:
Train Accident: बिलासपूर रेल्वे विभागातील लालखदान भागात प्रवासी मेमू ट्रेन आणि मालगाडीची समोरासमोर धडक होऊन भीषण अपघात झाला. या घटनेत किमान तीन प्रवाशांचा मृत्यू तर अनेक जण गंभीर जखमी झाले असून घटनास्थळी बचावकार्य सुरू आहे.
बिलासपूर: बिलासपूर रेल्वे विभागाच्या हद्दीत मंगळवारी दुपारी सुमारे चारच्या सुमारास लालखदान परिसरात एक भीषण रेल्वे अपघात झाला. हावडा मार्गावर धावणाऱ्या एका प्रवासी मेमू गाडीचा एक डबा अचानक समोरून येणाऱ्या मालगाडीला जाऊन धडकला. ही धडक इतकी जबरदस्त होती की मेमू ट्रेनचे अनेक डबे रुळावरून खाली पडले आणि क्षणातच घटनास्थळी गोंधळ माजला. प्राथमिक माहितीनुसार या भीषण अपघातात किमान 6 प्रवाशांचा जागीच मृत्यू झाला असून डझनभर प्रवासी गंभीर जखमी झाले आहेत. काही जखमींची प्रकृती अत्यंत चिंताजनक असल्याचे सांगितले जात आहे आणि त्यांना तातडीने जवळच्या रुग्णालयात दाखल करण्यात आले आहे.
advertisement
हा अपघात बिलासपूर स्थानकापासून काहीच किलोमीटर अंतरावर लालखदान भागात झाला. प्रत्यक्षदर्शींच्या मते, मेमू ट्रेन हावड्याकडे जात होती आणि त्या वेळी उलट दिशेने एक मालगाडी येत होती. दोन्ही गाड्यांची समोरासमोर धडक झाल्यानंतर मेमू ट्रेनचा पुढचा डबा अक्षरशः चुराडा झाला, तर मालगाडीच्या इंजिनालाही गंभीर नुकसान झाले. रुळावरून खाली पडलेल्या डब्यांमुळे आजूबाजूचा परिसर युद्धभूमीसारखा दिसू लागला. प्रवाशांच्या किंकाळ्या, चेंगराचेंगरी आणि धुराचे ढग या सगळ्याने वातावरण दहशतीचे झाले होते. अनेक प्रवासी डब्यांच्या आत अडकले होते, त्यांना स्थानिक नागरिकांनी आणि रेल्वे कर्मचाऱ्यांनी जीवाचा धोका पत्करून बाहेर काढले.
advertisement
घटनेची माहिती मिळताच रेल्वे प्रशासनाने तातडीने आपत्कालीन पथके घटनास्थळी रवाना केली. दक्षिण पूर्व मध्य रेल्वेच्या अधिकाऱ्यांनी सांगितले की- सर्व आवश्यक वैद्यकीय सुविधा उपलब्ध करून देण्यात आल्या आहेत. बिलासपूरमधील शासकीय आणि खासगी रुग्णालयांत विशेष वॉर्ड तयार करण्यात आले असून डॉक्टरांच्या टीम सतत जखमींची देखरेख करत आहेत.
advertisement
रेल्वेने प्रवाशांच्या नातेवाईकांसाठी हेल्पलाइन क्रमांक जारी केले आहेत, जेणेकरून ते आपल्या प्रियजनांची माहिती घेऊ शकतील. याशिवाय एनडीआरएफ आणि स्थानिक बचाव पथकेही घटनास्थळी पोहोचली असून बचाव आणि मदत कार्य सुरू आहे. रुळावरून घसरलेल्या डब्यांना हटवण्यासाठी आणि ट्रॅकची दुरुस्ती करण्यासाठी क्रेन आणि यंत्रसामग्रीचा वापर करण्यात येत आहे.
advertisement
बिलासपुर में भीषण रेल हादसा लोकल पैसेंजर ट्रेन माल गाड़ी से टकराई
6 लोगों की मौके पर मौत की खबर 30 लोग घायल @RailMinIndia @RailwaySeva @Central_Railway @RailwayNorthern @AshwiniVaishnaw @tokhansahu_bjp @PMOIndia @CGVOICE00777 @CG_wasi @CGDedBedSangh #railaccident #bsp pic.twitter.com/xdTT50DTEy
— Vishal Sharma (@VishalSharmaCG4) November 4, 2025
advertisement
या अपघातामुळे हावडा मार्गावरील रेल्वे वाहतूक पूर्णपणे ठप्प झाली आहे. अनेक एक्सप्रेस आणि प्रवासी गाड्या रद्द करण्यात आल्या आहेत, तर काही गाड्यांना पर्यायी मार्गांवर वळवण्यात आले आहे. रेल्वे प्रशासनाने प्रवाशांना संयम राखण्याचे आणि अधिकृत वेबसाइट वा अॅपवरून अद्ययावत माहिती घेण्याचे आवाहन केले आहे. प्राथमिक तपासात सिग्नल फेल्युअर किंवा मानवी चुकीमुळे हा अपघात झाल्याची शक्यता व्यक्त करण्यात येत आहे. तरीही सविस्तर चौकशीसाठी उच्चस्तरीय समिती स्थापन करण्यात आली आहे. रेल्वे मंत्र्यांनी या दुर्दैवी घटनेबद्दल शोक व्यक्त करत मृतांच्या कुटुंबीयांना आर्थिक मदतीची घोषणा केली आहे.
advertisement
हा अपघात पुन्हा एकदा रेल्वे सुरक्षेच्या प्रश्नावर प्रकाश टाकतो. गेल्या काही वर्षांत अशा दुर्घटनांमध्ये घट झाली असली तरी तांत्रिक त्रुटी आणि गजबजलेल्या मार्गांवरील ताण आजही मोठे आव्हान ठरत आहेत. रेल्वेने सिग्नल प्रणाली अधिक बळकट करण्यावर, गाड्यांच्या वेगावर नियंत्रण ठेवण्यावर आणि कर्मचाऱ्यांच्या प्रशिक्षणावर अधिक लक्ष देण्याची गरज आहे. जखमी प्रवासी लवकर बरे व्हावेत आणि या अपघाताच्या सखोल चौकशीतून भविष्यात अशा भीषण दुर्घटना टाळल्या जाव्यात, अशी सर्वांची अपेक्षा आहे. सध्या घटनास्थळी बचावकार्य सुरू असून परिस्थितीवर बारकाईने नजर ठेवली जात आहे.
Location :
Mumbai,Maharashtra
First Published :
November 04, 2025 5:25 PM IST
मराठी बातम्या/देश/
Train Accident: भयानक रेल्वे अपघात, मेमू गाडी समोरून मालगाडीला धडकली; डब्याचा अक्षरशः चुराडा झाला, सहा जणांचा मृत्यू
