Lok Sabha Election : भाजप खासदाराचा पक्षाला रामराम; वडिलांसोबत काँग्रेस प्रवेशाची शक्यता

दिल्ली : लोकसभा निवडणुकीसाठी सर्वच राजकीय पक्षांनी कंबर कसली आहे. भाजपसह काँग्रेसने उमेदवारांची पहिली यादीसुद्धा जाहीर केलीय. दरम्यान, आता भाजपला मोठा धक्का बसला असून खासदाराने पक्षाच्या सदस्यत्वाचा राजीनामा दिला आहे. भाजप खासदार ब्रिजेंद्र सिंह यांनी पक्ष सोडत असल्याचं सोशल मीडियावर सांगितलं. भाजपच्या सदस्यत्वाचा राजीनामा दिल्यानंतर खासदार ब्रिजेंद्र सिंह हे वडील बिरेंद्र सिंह यांच्यासोबत काँग्रेसमध्ये प्रवेश करणार असल्याची चर्चा सुरू आहे.