हा देश डरपोक लोकांच्या हाती जास्त दिवस राहत नाही, प्रियांका गांधींचे संसदेत पहिलेच वादळी भाषण

नवी दिल्ली : आपल्या देशात संवादाची परंपरा आहे. वेगवेगळ्या धर्मांत देखील वादविवाद, चिंतन मंथन अशी जुनी संस्कृती सांगितली आहे. याच परंपरेच्या आधारावर स्वातंत्र्यलढ्याचा इतिहास लढला गेला. ही लढाई लढत असताना आपण कायमच अहिंसेच्या मार्गाचा अवलंब केला. ही लढाई केवळ इंग्रजांनी देशाबाहेर जावे, यासाठी नव्हती तर राजकारण, समाजकारण आणि आर्थिक न्यायाची लढाई पण लढत होतो आणि याच लढाईला संविधानाने ठोस 'आवाज' दिला, अशा शब्दात भारतीय संविधानाचे महत्त्व अधोरेखित करून हा देश डरपोक लोकांच्या हाती जास्त दिवस राहत नाही, असा हल्लाबोल काँग्रेस नेत्या तथा वायनाडच्या नवनिर्वाचित खासदार प्रियांका गांधी यांनी केल्या. प्रियांका यांच्या संसदेतील पहिल्याच भाषणाकडे संपूर्ण देशाचे लक्ष लागलेले होते.