'ज्युस प्यायला चल...', गोड बोलून पत्नीला घराबाहेर नेलं, निर्जन रस्त्यावर भयानक कृत्य केलं, पती बनला हैवान!

कोटा : पतीने दिवसाढवळ्या पत्नीसोबत क्रुरतेचा कळस गाठल्याचा प्रकार घडला आहे. महावीर नगर पोलीस स्टेशनच्या हद्दीतील रंगबारीच्या हरिओम नगर भागात घरगुती वादातून पतीने पत्नीचा कान कापला आहे. पत्नीसोबत झालेल्या भांडणानंतर पतीने तिला एका निर्जन रस्त्यावर नेलं आणि तिच्यावर चाकूने हल्ला केला, यात पत्नीचा एक कान कापला गेला. हल्ल्यात गंभीर जखमी झालेल्या महिलेला पहिले मेडिकल कॉलेज आणि नंतर एमबीएस रुग्णालयात पाठवण्यात आले, सध्या तिच्यावर उपचार सुरू आहेत.