घातक प्रयोग यशस्वी, एकाच वेळी 300 Missileने हल्ला; महासत्ता थरारल्या, भारताचा शॉकिंग डाव

सर्वांची बेरीज केली तर भारतीय नौदल 2030 पर्यंत एकाच वेळी 300 पेक्षा जास्त ब्रह्मोस क्षेपणास्त्र डागण्यास सक्षम होईल. नौदलाचे लक्ष्य म्हणजे सर्व युद्धनौकांना ब्रह्मोस क्षेपणास्त्रांनी सज्ज करणे. ज्यामुळे भारताची सागरी ताकद आणि संरक्षणक्षमता आणखी मजबूत होईल.

या प्रकल्पातील सर्व 7 जहाजे 2019 ते 2023 दरम्यान MDL आणि GRSE यांनी लाँच केली. त्यापैकी 4 जहाजांची सध्या समुद्री चाचणी सुरू आहे. ही सर्व स्टेल्थ गाइडेड मिसाइल फ्रिगेट्स नौदलात सामील झाल्यानंतर भारताची समुद्री ताकद प्रचंड वाढणार आहे. उदयगिरी हे नेव्हल डिझाइन ब्युरोने डिझाइन केलेले 100वे जहाज आहे. नीलगिरी श्रेणीतील उदयगिरी हे स्टेल्थ फ्रिगेट 1 जुलै रोजी नौदलाला सुपूर्द करण्यात आले. 31 जुलै रोजी प्रोजेक्ट 17A अंतर्गत तयार झालेले अॅडव्हान्स्ड स्टेल्थ फ्रिगेट हिमगिरी नौदलाला सुपूर्द झाले. या श्रेणीतील पहिले जहाज INS नीलगिरी यावर्षी जानेवारीत पंतप्रधान नरेंद्र मोदी यांनी नौदलात दाखल केले.

या युद्धनौका पाणबुडीविरोधी लढाईसाठी वरुणास्त्र टॉरपीडो आणि पाणबुडीविरोधी रॉकेट लॉन्चर्सने सज्ज आहेत. यात अत्याधुनिक रडार, सोनार प्रणाली, कॉम्बॅट मॅनेजमेंट सिस्टम आणि मल्टी-फंक्शन डिजिटल रडार बसवलेले आहेत. जे लांब पल्ल्याच्या हल्ल्यांचा शोध घेऊन त्यांना रोखू शकतात.

या युद्धनौकांवर दोन हेलिकॉप्टर्स सहज उतरू शकतात आणि त्यांना ठेवण्यासाठी हॅंगरची सोय आहे. प्रोजेक्ट 17A मधील सर्व 7 युद्धनौकांमध्ये 75% उपकरणे स्वदेशी कंपन्यांकडून घेतली गेली आहेत. डिझाइन, स्टील आणि तंत्रज्ञानही पूर्णतः स्वदेशी आहे. हे फ्रिगेट 6,700 टन वजनाचे असून ताशी 30 नॉटिकल माईल्स (सुमारे 55 किमी/ता) वेगाने धावू शकते. प्रोजेक्ट 17A मधील सर्व युद्धनौका शिवालिक क्लासच्या युद्धनौकांपेक्षा 5% मोठ्या आहेत.