नो मोर बॉस! भारताने अमेरिकेला धडा शिकवायचे ठरवले, मोदी-राजनाथनंतर आता गडकरींची एन्ट्री, दिला Loud And Clear मेसेज

आमच्यासाठी आमच्या शेतकऱ्यांचे हित हेच प्राधान्य आहे. भारत आपल्या शेतकरी, पशुपालक आणि मच्छीमार बांधवांच्या हिताशी कधीही तडजोड करणार नाही. याची किती मोठी किंमत मोजावी लागेल याची मला जाणीव आहे, पण मी त्यासाठी तयार आहे.

काही लोक स्वतःला जगाचे बॉस समजतात… त्यांना भारताचा विकास आवडत नाहीये. अनेकजण प्रयत्न करत आहेत की भारतात बनलेल्या, भारतीयांच्या हाताने तयार झालेल्या वस्तू त्या देशात बनलेल्या वस्तूंहून अधिक महाग व्हाव्यात, जेणेकरून जेव्हा वस्तू महाग होतील तेव्हा जग त्या विकत घेणार नाही. पण मी पूर्ण आत्मविश्वासाने सांगतो की आता जगातील कोणतीही ताकद भारताला जगातील एक मोठी शक्ती बनण्यापासून रोखू शकत नाही.- राजनाथ सिंह, संरक्षण मंत्री

आज जे दादागिरी करतात ते यामुळे करतात कारण ते आर्थिकदृष्ट्या संपन्न आहेत, कारण त्यांच्याकडे तंत्रज्ञान आहे. जर आपल्याकडे त्यांच्यापेक्षा चांगले तंत्रज्ञान आणि संसाधने आली तर आपल्याला दादागिरी करायची नाही. आपली संस्कृती 'विश्व कल्याणा'ची शिकवण देते. जर आपल्याला विश्वगुरू बनायचे असेल तर आपल्या वैज्ञानिकांनी आणि अभियंत्यांनी त्या दिशेने काम करायला हवे. मला वाटत नाही की आपल्याला कोणाकडे जाण्याची गरज पडेल.- नितीन गडकरी, केंद्रीय मंत्री

पंतप्रधान मोदी, संरक्षण मंत्री राजनाथ सिंह आणि केंद्रीय मंत्री नितीन गडकरी या तिघांचीही भाषा स्पष्ट होती की भारत आता मागे हटणार नाही. हा संदेश अनेक बाबतीत महत्त्वाचा आहे.

अमेरिका आणि ट्रम्प यांच्यासाठी हा एक कडक संकेत आहे की भारतासोबतचे संबंध आता समानतेच्या आधारावरच पुढे जातील. याचा परिणाम केवळ द्विपक्षीय व्यापार चर्चांवरच नाही, तर जागतिक मंचांवर भारताची बोलणी करण्याची स्थिती देखील मजबूत होईल. हे स्पष्ट आहे की भारत आता केवळ बचावात्मक नाही, तर पलटवार करण्याची रणनीती अवलंबत आहे.