भारतातल्या 'या' शहरात लवकरच सुरू होणार शहरांतर्गत हेलिकॉप्टर सर्व्हिस; जाणून घ्या तिकिटाची किंमत

नवी दिल्ली : मुंबई-दिल्ली-बेंगळुरूसारख्या कॉस्मोपॉलिटन शहरांमध्ये होणारी वाहतूक कोंडी ही सर्वांत मोठी समस्या आहे. बेंगळुरूतली वाहतूक कोंडी देशभरात कुप्रसिद्ध आहे. पीक अवर्समध्ये जाम होणाऱ्या ट्रॅफिकमुळे तिथले नागरिक त्रस्त आहेत. त्यांच्यासाठी एक चांगली बातमी आहे. बेंगळुरूमध्ये लवकरच शहरांतर्गत हेलिकॉप्टर सेवा सुरू होणार आहे. त्यामुळे शहराच्या उत्तरेकडून दक्षिणेकडे जाण्यासाठी करावा लागणारा प्रवास सुकर होणार आहे. शिवाय, बेंगळुरू आंतरराष्ट्रीय विमानतळापासून शहराच्या आग्नेयेला असलेल्या होसूरपर्यंतचा प्रवासही कमी वेळेत पूर्ण करता येईल. 'द टाइम्स ऑफ इंडिया'ने याबाबत माहिती देणारं वृत्त प्रसिद्ध केलं आहे.