20 मिनिटांत शरीरात पसतो आजार, 16 लोकांचा जीव घेणारा ई कोलाय जीवाणू किती घातक?

यातील 'फेकल कोलायफॉर्म' बॅक्टेरियाचा अर्थ असा की, बोअरवेलमध्ये पिण्याच्या पाण्याचा आणि सांडपाण्याच्या वाहिन्यांचा एकमेकांशी संपर्क आला आहे. जमिनीखालच्या पाण्यात ही घाण नव्हती, पण खराब झालेल्या पाइपलाईन आणि बोअरवेलच्या दुरावस्थेमुळे ही परिस्थिती निर्माण झाली.

प्रामुख्याने मानवी विष्ठेत आढळणारा ई-कोलाय जेव्हा अन्नाद्वारे किंवा सांडपाणी मिश्रित पिण्याच्या पाण्यातून शरीरात जातो, तेव्हा तो रक्ताभिसरण आणि पचनसंस्थेवर थेट हल्ला करतो. यामुळे केवळ तीव्र पोटदुखी किंवा जुलाब होत नाहीत, तर संसर्ग वाढल्यास मूत्रपिंड निकामी होणे आणि 'मल्टी-ऑर्गन फेल्युअर' मुळे रुग्णाचा मृत्यू ओढवू शकतो. विशेषतः लहान मुले आणि वृद्धांसाठी हा संसर्ग अत्यंत घातक ठरतो, कारण त्यांची रोगप्रतिकारक शक्ती या आक्रमक जीवाणूचा सामना करू शकत नाही."

सध्या आयसीएमआर आणि तज्ज्ञांचे पथक या मृत्यूंच्या तांडवाचा शोध घेत आहे. प्रशासनाने आता खबरदारी म्हणून रस्त्यावरील खाद्यपदार्थ विकण्यास बंदी घातली असून, लोकांना टँकरचे पाणीही उकळून पिण्याचा कडक सल्ला दिला आहे.

सध्या बाधित भागातील जलकुंभांची दुरुस्ती युद्धपातळीवर सुरू आहे आणि मोठ्या प्रमाणात क्लोरिनेशन केले जात आहे. मात्र, १६ बळी गेल्यानंतर जाग आलेल्या प्रशासनावर स्थानिकांकडून तीव्र संताप व्यक्त केला जात आहे. "आम्ही पिण्यासाठी पाणी मागत होतो, आम्हाला विष दिलं गेलं," अशा भावना येथील नागरिक व्यक्त करत आहेत.