NISAR : हवामानामध्ये बदल का होतोय? नासा आणि इस्रोचं खास मिशन, संपूर्ण माहिती

मुंबई, 28 ऑक्टोबर : जागतिक स्तरावर हवामानबदलामुळे गंभीर समस्या निर्माण होत आहे. या बदलाचा परिणाम मानवासह अन्य सजीव आणि पर्यावरणावर होत आहे. यामुळे चक्रीवादळ, पूर, दुष्काळासारख्या समस्या निर्माण होत आहेत. या समस्यांमध्ये प्रसंगी जीवित आणि वित्तहानी होत आहे. हवामानबदलाच्या अनुषंगाने निर्माण होत असलेल्या समस्या रोखण्यासाठी, तसंच बदलासाठी कारणीभूत ठरणाऱ्या घटकांवर काम करण्यासाठी जागतिक स्तरावर प्रयत्न सुरू आहेत. यात आता भारतीय अंतराळ संशोधन संस्था अर्थात आणि अमेरिकेची नासा ही संस्था एकत्रितपणे सहभागी होत आहे. या दोन्ही संस्था लवकरच पृथ्वीवर लक्ष ठेवण्याकरिता एक रडार मिशन लाँच करणार आहेत. याला एनआयएसएआर असं नाव दिलं गेलं आहे.