Election Commission : मतचोरीचा मुद्दा तापणार! मुख्य निवडणूक आयुक्तांविरोधात विरोधक आक्रमक, महाभियोगाचा प्रस्ताव?

आज विरोधकांच्या इंडिया आघाडीची राज्यसभेचे विरोधी पक्षनेते मल्लिकार्जुन खरगे यांच्या निवासस्थानी बैठक पार पडली. या बैठकी विविध मुद्यांवर चर्चा झाली.

बिहारमध्ये काँग्रेससह संपूर्ण विरोधी पक्षांनी SIR ला विरोध केला होता. त्याच वेळी काँग्रेस नेते राहुल गांधी यांनी भारतीय जनता पक्ष आणि निवडणूक आयोगावर गंभीर आरोप केले होते. भाजप मते चोरत आहे आणि निवडणूक आयोग यामध्ये त्यांना पाठिंबा देत असल्याचा आरोप विरोधी पक्षनेते राहुल गांधी यांनी केला. निवडणूक आयोग विरुद्ध विरोधी पक्षातील संघर्ष आता आणखी चिघळण्याची शक्यता आहे. मुख्य निवडणूक आयुक्त ज्ञानेश कुमार यांच्याविरुद्ध महाभियोग प्रस्ताव आणण्याची तयारी विरोधकांकडून केली जात आहे. याबाबत बैठक झाली असली तरी निर्णयावर शिक्कामोर्तब झाले नसल्याची माहिती सूत्रांनी दिली.