नितीश कुमारांना उच्च न्यायालयाचा दणका; SC,ST, OBC आरक्षणावर मोठा निर्णय

दिल्ली : बिहारचे मुख्यमंत्री नितीश कुमार यांना आरक्षणाच्या मुद्द्यावरून मोठा दणका बसला आहे. बिहार सरकारने एससी एसटी ओबीसी आरक्षण देताना ५० टक्क्यांची मर्यादा ६५ टक्क्यांपर्यंत वाढवली होती. आता पटना उच्च न्यायालयाने हे आरक्षण देणारा कायदा रद्द केला आहे. बिहारमध्ये मागास, अतिमागास, अनुसूचित जाती आणि अनुसूचित जनजातींसाठी आरक्षण वाढवलं होतं. बिहारमध्ये नोकरी आणि शिक्षणात आरक्षणासाठी समानतेच्या हक्काचं उल्लंघन असल्याचं म्हणत उच्च न्यायालयाने हा निर्णय रद्दबातल ठरवला.