लग्नाच्या आधीच सोनमच्या आईने दिली होती वॉर्निंग, अंधश्रद्धेमुळे झाली राजाची हत्या? दिराचा खळबळजनक गौप्यस्फोट!

Raja Raghuvanshi Murder Case : इंदूरमधील राजा रघुवंशी हत्या प्रकरणात आता एक धक्कादायक माहिती समोर आली आहे, ज्यामुळे तपासाला नवं वळण मिळालं आहे. राजाचा भाऊ विपिनने दावा केला आहे की, सोनमने लग्नापूर्वीच आपल्या आईला सांगितले होते की, जर हे लग्न झाले तर त्याचे परिणाम चांगले होणार नाहीत. विपिनच्या म्हणण्यानुसार, सोनमच्या आईला तिच्या प्रेमप्रकरणाची पूर्ण कल्पना होती, परंतु त्यांनी ही गोष्ट राजाच्या कुटुंबापासून आणि खुद्द राजाच्या वडिलांपासूनही लपवून ठेवली. सोनमच्या आईचीही चौकशी करावी, अशी मागणी विपिनने केली आहे. जर राजाच्या वडिलांना राज कुशवाहा सोबतच्या संबंधांबद्दल कळले असते, तर त्यांनी त्याला नोकरीवरून काढले असते, म्हणूनच सोनमच्या आईने सर्व माहिती दडपून ठेवली, असे विपिनने सांगितले.