स्थानिक स्वराज्य संस्थांतील OBC Reservation ला सुप्रीम धक्का, 42 टक्के आरक्षणाची याचिका फेटाळली

दिल्ली: तेलंगणामधील काँग्रेस सरकारने अलीकडेच स्थानिक स्वराज्य संस्थांच्या निवडणुकीत मागासवर्गीयांना ४२ टक्के आरक्षण देण्याचा घेतला निर्णय घेतला होता. या निर्णयाला हायकोर्टाने स्थगिती दिली होती. पण हाय कोर्टाच्या या निर्णयाला काँग्रेस सरकारने सुप्रीम कोर्टात आव्हान दिलं होतं. आता गुरुवारी सर्वोच्च न्यायालयाने ही याचिका फेटाळून लावली आहे. तेलंगण सरकारने उच्च न्यायालयाच्या स्थगिती आदेशाविरोधात दाखल केलेली आव्हान याचिका सर्वोच्च न्यायालयाने फेटाळल्यामुळे तेलंगणच्या काँग्रेस सरकारला मोठा धक्का बसला आहे. न्यायमूर्ती बी. आर. गवई आणि न्यायमूर्ती संदीप मेहता यांच्या खंडपीठाने या याचिकेवर सुनावणी घेतली.