456 टायरांचा बाहुबली ट्रक, 24 जणांचा स्टाफ; पाहण्यासाठी हायवेवर मोठी गर्दी

चूरू, 19 सप्टेंबर : राजस्थानच्या रस्त्यांवर गेल्या काही दिवसांपासून बाहुबली ट्रक पाहायल मिळत आहे. हा ट्रक हायवेवरुन जाणाऱ्या लोकांसाठी आकर्षणाचा केंद्र बनलं आहे. हायवेवर तुम्ही अनेकदा एखादा ट्रक धावताना पाहिलं असेल मात्र हा ट्रक धावत नाही तर रांगत आहे. हा ट्रक पाहण्यासाठी रस्त्यावर मोठी गर्दी जमा झाली आहे. हा सर्वसाधारण ट्रक नाही तर बाहुबली ट्रक असून याला १० नव्हे तर ४५६ टायर आहेत. हो तुम्ही वाचलेलं खरं आहे. अवजड वस्तू घेऊन जाणाऱ्या या ४५६ टायरांच्या ट्रकला दोन ट्रक पुढून खेचल आहेत तर एक ट्रक मागून धक्का देत आहे.