Bihar News: प्रियकरासोबत बायको पळाली; पठ्ठ्याने लगेच दुसरी आणली; पहिली माघारी आली अन्..

या प्रकरणी पत्नी पूजा कुमारीने सांगितलं, की `माझा विवाह 2017-18मध्ये बलहा इथल्या गौतम कुमारशी झाला. त्याची आई, बहीण आणि भावजय मला पाहू इच्छित नव्हत्या. त्या मला खूप त्रास देत होत्या. ऑनलाइन ल्युडो खेळत असताना मी माझ्या प्रियकराकडे पळून गेले ही माझी चूक आहे. तो यूपीचा असून त्याचं नाव विनोद आहे. माझ्यासोबत घटस्फोट न घेता गौतम कुमारने दुसरा विवाह केला आहे. माझ्या पतीने लपून दुसरा विवाह केला त्यावर माझा आक्षेप नाही. तो मला त्याच्यासोबत राहू देणार असेल तर माझी हरकत नाही; पण जर तो मला त्याच्यासोबत राहू देणार नसेल तर त्याने माझ्यासह मुलांचा खर्च उचलावा, ही माझी मागणी आहे. कारण मला अनेक आजार आहेत, त्यामुळे त्याने दिलेल्या पैशांतून मी माझं पालनपोषण करू शकेन.`