Maharashtra Exit Poll BJP : एक्झिट पोलनंतर भाजप अॅक्शन मोडवर, जुळवाजुळवीसाठी राजकीय हालचालींना वेग

उदय तिमांडे, प्रतिनिधी, नागपूर:  जवळपास महिनाभर सुरू असलेली निवडणुकीच्या रणधुमाळीतील महत्त्वाचा टप्पा बुधवारी पार पडला. बुधवारी झालेल्या मतदानानंतर आता सगळ्याच उमेदवारांचे भवितव्य ईव्हीएममध्ये कैद झाले आहे. तर, दुसरीकडे एक्झिट पोलचाही अंदाज समोर आला आहे. विविध संस्थांनी जाहीर केलेल्या बहुतांशी एक्झिट पोलमध्ये राज्यात भाजप हा क्रमांक एकच पक्ष असणार आहे. तर, महायुती सरकार स्थापन करू शकते. मात्र, एक्झिट पोलच्या आकडेवारीनंतर भाजप अॅक्शनमोडमध्ये आले आहे. सरकार स्थापन करण्यासाठी भाजपच्या हालचाली सुरू झाल्या आहेत.