Konkan Railway Schedule: प्रवाशांसाठी मोठी बातमी! आता 'कोकण रेल्वे'चा वेग वाढणार, 'या' तारखेपासून वेळापत्रकात होणार बदल

कोकणात प्रचंड प्रमाणात पाऊस असतो. त्यामुळे रेल्वेमार्गात दरड कोसळ्याची भीती असते. त्याचबरोबर दाट धुक्यांमुळे मोठा अपघात होण्याचीही शक्यता असते. बऱ्याचदा रेल्वेमार्ग खोळंबतो. कोकणात रेल्वनेच्या एकेरी वाहतुकीवर जास्त परिणाम होऊ नये म्हणून दरवर्षी वेळापत्रक ठरवले जाते. त्याचा एक विशिष्ठ कालावधी असतो. हा कालावधी 10 जून ते 31 ऑक्टोबरपर्यंत असतो. परंतु यावर्षी रेल्वेने पावसाळ्यातील कामे व्यवस्थित पार पाडल्यामुळे कोकण रेल्वे वेळापत्रकात सुधारणा केली. त्यामुळे 10 जून ऐवजी 15 जूनपासून पावसाळी वेळापत्रक जाहीर करण्यात आले होते. हा कालावधी 20 ऑक्टोबरपर्यंत होता. त्यानंतर रेल्वेचे नियमित वेळापत्रक लागू होणार आहे.