CIDCO Home : गुड न्यूज! सिडकोच्या घरांच्या किमती कमी होणार? निवडणुकीआधी मुख्यमंत्री मोठा निर्णय घेणार

महानगरपालिका निवडणुका जवळ आल्या असताना सिडकोच्या सोडतधारकांसाठी एक आनंदाची बातमी आली आहे. गेल्या काही महिन्यांपासून सिडकोच्या घरांच्या वाढीव दरांबाबत सुरु असलेल्या चर्चेला आता तोडगा निघण्याची शक्यता आहे. सोमवार 3 नोव्हेंबर रोजी मुंबईतील सह्याद्री अतिथीगृह येथे उपमुख्यमंत्री आणि नगरविकास मंत्री एकनाथ शिंदे यांच्या अध्यक्षतेखाली महत्त्वाची बैठक होणार आहे. या बैठकीत सिडको घरांच्या दरांबाबत निर्णय घेण्यात येणार असून, त्यामुळे हजारो सोडतधारकांमध्ये मोठी उत्सुकता निर्माण झाली आहे.