Ganesh Chaturthi 2023: श्री गणरायाला ही फळं आहेत विशेष प्रिय

मुंबई, 14 सप्टेंबर:  श्री गणपतीचा समावेश भगवान विष्णू, शंकर, सूर्य आणि आदिशक्ती दुर्गादेवीसह पाच प्रमुख देवतांमध्ये होतो. हिंदू धर्मात या सर्व देवतांना महत्त्वपूर्ण स्थान आहे. यात श्री गणरायाला प्रथम पूजेचा मान आहे. कोणत्याही शुभ कार्यापूर्वी सर्वप्रथम आवाहन करून श्री गणेशपूजन केलं जातं. पुराणांनुसार, श्री गणराया विघ्नहर्ता म्हणजे सर्व संकटं दूर करणारा आणि बु्द्धि देणारा देव आहे. गणरायाची कृपादृष्टी प्राप्त झाली तर ज्ञान, सुख आणि संपन्नता वाढते. प्रत्येक देव-देवतेला विशिष्ट पदार्थ, फुलं किंवा वस्तू प्रिय असतात. भगवान शंकराला बेलपत्र विशेष प्रिय असतं. तसंच श्री गणपतीला मोदकाव्यतिरिक्त अन्य काही वस्तू, फळंदेखील प्रिय आहेत. या वस्तू किंवा फळं गणेशाला अर्पण केली तर जीवनात सुख-समृद्धी लाभते. व्यक्ती ज्ञानसंपन्न, बुद्धिमान होते. पंडित इंद्रमणी घनस्याल आपल्याला अशी पाच फळं आणि वस्तूंविषयी माहिती देत आहेत, जी श्री गणरायाला श्रद्धापूर्वक अर्पण केली, तर त्याची कृपादृष्टी लवकर प्राप्त होते.