हुबळी- पुणे वंदे भारत एक्स्प्रेस आता किर्लोस्करवाडीलाही थांबणार, किती वाजता ट्रेन स्थानकावर येणार?

पुणे रेल्वे स्थानकातून हुबळीला रवाना होणारी वंदे भारत एक्सप्रेस सेवेला 24 नोव्हेंबर, रोजी पासून संध्याकाळी 5 वाजन 43 मिनिटाने किर्लोस्करवाडी रेल्वे स्थानकावर थांबा देण्यात येईल. त्याचप्रमाणे हुबळीहून पुणे रेल्वे स्थानकाकडे प्रस्थान करणाऱ्या वंदे भारत एक्सप्रेस सेवेला किर्लोस्करवाडी रेल्वे स्थानक येथे सकाळी 9 वाजून 38 मिनिटांपर्यंत थांबा देण्यात येणार आहे. वंदे भारत एक्सप्रेसला दौंड, किर्लोस्करवाडीसह इतर रेल्वे स्थानकांवर थांबा देण्यात यावा, अशी मागणी गेल्या काही काळापासून उपस्थित होत होती. मध्य रेल्वेप्रशासनाने दौंड आणि किर्लोस्करवाडी रेल्वे स्थानकांवर थांवा देण्याचे निर्णय घेतल्याने प्रवाशांना चांगलीच मदत होईल असे रेल्वे अभ्यासक सांगतात.