उद्या मार्गशीषचा शेवटचा गुरुवार! मासिक पाळीमुळे जर चुकत असेल पूजा घाबरू नका, कथेत सांगितलाय पर्याय

हिंदू पंचांगानुसार, मार्गशीर्ष महिन्याचा उद्या शेवटचा गुरुवार आहे. मार्गशीर्ष महिन्यात माता लक्ष्मीची पूजा आणि उपवास करण्याचे मोठे महत्त्व आहे. शेवटचा गुरुवार असल्याने या दिवशी केलेली पूजा आणि उपवास हे संपूर्ण महिन्याच्या पूजेचे पूर्ण फळ देणारे ठरते, त्यामुळे या दिवसाचे विशेष महत्त्व आहे.

शेवटचा गुरुवार हा पूजेचा समाप्ती दिवस असतो. या दिवशी पूजा केल्याने महिन्याभर केलेल्या व्रताचे पूर्ण आणि अक्षय फळ मिळते. अनेक घरांमध्ये याच दिवशी व्रत उद्यापन आणि देवीच्या घट किंवा कलशाचे विसर्जन केले जाते.

पूजा स्पर्श टाळा: मासिक पाळीच्या काळात महिलांनी कलश, मूर्ती किंवा देवीच्या कोणत्याही वस्तूला स्पर्श करू नये. या काळात अशुचित्व मानले जाते.

दुसऱ्या व्यक्तीकडून पूजा: घरातील इतर महिला सदस्य, पती किंवा मुलगी यांच्याकडून देवीची पूजा, आरती आणि नैवेद्य दाखवून घ्यावा.

पूजा ऐका आणि वाचा: तुम्ही दूर बसून 'गुरुवारची कथा' वाचावी किंवा ऐकावी आणि देवीचे मंत्राचे किंवा स्तोत्राचे मानसिकरित्या पठण करावे.

विसर्जन विधी: शेवटच्या गुरुवारी कलश किंवा घट विसर्जित करायचा असल्यास, तो पती किंवा घरातील अन्य शुद्ध व्यक्तीच्या हस्ते करावा. व्रत उद्यापनाचा समारंभ त्यांनीच करावा.

पूजेनंतर शुद्धीकरण: मासिक पाळी संपल्यावर तुम्ही स्नान करून, संपूर्ण घराला आणि देवघराला गंगाजल शिंपडून शुद्धीकरण करावे आणि मग पुढील पूजा सुरू करावी. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)