Numerology: 4, 13, 22, 31 या तारखांना जन्म झालाय? तुमच्यासाठी या अक्षरांनी सुरू होणारी नावे लकी ठरतात

अंकशास्त्रानुसार संपूर्ण नावाचे मूल्य मूलांक आणि भाग्यांकाशी जुळत असले तरी, नावाचे पहिले अक्षर महत्त्वाचे आहे. मूलांक 4 असलेल्या लोकांसाठी कोणती शुभ अक्षरे आहेत, त्याबाबत जाणून घेऊया.

अंकशास्त्रानुसार, मूलांक 4 चा स्वामी ग्रह राहू आहे. राहूचे मन वेगाने काम करते कारण त्याला डोके असते आणि त्याचे धड केतू म्हणून ओळखले जाते. मूलांक 4 असलेले लोक चाणाक्ष बुद्धीचे असतात. ते इतरांपेक्षा वेगळे विचार करतात. त्यांच्याकडे प्रत्येक समस्येचे उत्तर असते. पण, ते थोडे हट्टी, व्यावहारिक आणि शिस्तबद्ध देखील असतात.

मूलांक 4 असलेल्यांसाठी अशुभ अक्षरे - मूलांक 4 च्या शत्रू किंवा विरुद्ध संख्या 2, 8 आणि 9 या आहेत. 2 चा स्वामी ग्रह चंद्र आहे, 8 हा शनि आहे आणि 9 हा मंगळ आहे. 4 मूलांकाची नावे 2, 8 किंवा 9 या अक्षरांनी सुरू होऊ नयेत.

4 मूलांकाच्या लोकांसाठी B, K, R, D, M, T, F, P आणि I टाळावे. B, K, आणि R चे मूल्य 2 आणि F आणि P चे मूल्य ८ आहे. साधारणपणे या अक्षरांनी सुरू होणारी नावे 4 मूलांकाच्या लोकांसाठी अशुभ असू शकतात.

4 मूलांकाच्या नावांसाठी शुभ अक्षरे - 4 मूलांकाच्या लोकांसाठी नावाचे पहिले अक्षर A, J, Q, Y, C, G, L, S, E, H, N, X, U, V, W, O आणि Z ने सुरू व्हावे. या अक्षरांनी सुरू होणारी नावे 4, 13, 22 किंवा 31 तारखेला जन्मलेल्या मुलांसाठी शुभ ठरतील.

नावांमधील अशुभ अक्षरांसाठी उपाय - ज्यांची नावे अशुभ अक्षरांनी सुरू होतात त्यांच्यासाठी आता नाव बदलणे अशक्य आहे. तुम्ही तुमचे नाव दुरुस्त करण्यासाठी अंकशास्त्र तज्ञाचा सल्ला घेऊ शकता. ते काही अक्षरे जोडून किंवा वजा करून तुमचे सध्याचे नाव कसे वापरावे हे सांगू शकतात. नावाचे पहिले अक्षर महत्वाचे आहे, परंतु त्याचे एकूण मूल्य मूलांक आणि भाग्यांकाशी देखील जुळलं गेलं पाहिजे.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)