7 सप्टेंबरपासून कसोटीचा काळ असणार! वर्षातील शेवटचे चंद्रग्रहण या राशींवर संकट घेऊन येणार

वैदिक पंचांगानुसार, 7 सप्टेंबर 2025 रोजी वर्षातील शेवटचे चंद्रग्रहण होणार आहे. हे ग्रहण रात्री 9:58 वाजता सुरू होऊन पहाटे 1:26 वाजता समाप्त होईल. विशेष म्हणजे, हे चंद्रग्रहण भारतात स्पष्टपणे दिसणार असल्यामुळे त्याचे धार्मिक आणि ज्योतिषीय महत्त्व अधिक मानले जाते. यावेळी चंद्र कुंभ राशीत असेल. त्यामुळे काही राशींवर त्याचा तीव्र प्रभाव पडू शकतो. चला पाहूया कोणत्या राशींसाठी हा काळ आव्हानात्मक ठरू शकतो आणि त्यातून सुटका करण्यासाठी कोणते उपाय करणे आवश्यक आहे.

कर्क -  कर्क राशीचा स्वामी स्वतः चंद्र असल्यामुळे चंद्रग्रहणाचा थेट परिणाम या राशीवर दिसेल. मानसिक ताण, अस्वस्थता आणि चिंता वाढण्याची शक्यता आहे. अनावश्यक शंका निर्माण होऊन नातेसंबंधात गोंधळ वाढू शकतो. कौटुंबिक वातावरण बिघडू शकते, तर आरोग्याबाबतची निष्काळजीपणा नुकसानदायक ठरू शकतो.

कन्या -  या राशीसाठी चंद्रग्रहण सहाव्या घरात होत आहे, जे रोग, कर्ज आणि शत्रूंचे स्थान मानले जाते. त्यामुळे या काळात कार्यस्थळी विरोधक अडचणी निर्माण करू शकतात. कायदेशीर वाद किंवा वादविवादात अडकण्याची शक्यता आहे. आर्थिक निर्णय घेताना संभ्रम निर्माण होईल, तसेच घरगुती संभाषणात कटुता वाढू शकते.

मीन -  या राशीसाठी चंद्रग्रहण बाराव्या घरात होत असल्याने खर्च, नुकसान आणि परदेश प्रवासाशी निगडित बाबींवर परिणाम होऊ शकतो. अनियंत्रित खर्चामुळे आर्थिक स्थिती बिघडू शकते. झोपेची कमतरता, थकवा आणि आरोग्याच्या समस्या उद्भवू शकतात. जोडीदाराशी मतभेद होण्याची शक्यता असून प्रेमसंबंधात तिसऱ्या व्यक्तीचा हस्तक्षेप तणाव आणू शकतो.

चंद्रग्रहणाच्या वेळी काय करावे? मंत्रजप, ध्यान आणि देवपूजा करावी. पांढऱ्या वस्तूंचे दान करणे शुभ मानले जाते. ग्रहण संपल्यानंतर स्नान करून घरात पवित्र पाणी शिंपडावे. चंद्रग्रहणाच्या वेळी काय करू नये? ग्रहणकाळात अन्नसेवन, प्रवास आणि नवीन कामे सुरू करणे टाळावे. गर्भवती महिलांनी विशेष काळजी घ्यावी. तामसिक आहार, वादविवाद आणि नकारात्मक विचार टाळावेत.