2026 Grahan News: नवीन वर्ष 2026 मध्ये दोन सूर्यग्रहणं आणि दोन चंद्रग्रहणं; भारतात किती दिसणार, वेळ-काळ?

Published by:Ramesh Patil

Last Updated:November 16, 2025 11:13 AM IST

2026 Grahan News: बघता-बघता वर्ष 2025 संपत आलं, जेमतेम दीड महिना उरलाय. त्यामुळं सर्वांना नवीन वर्षातील गोष्टींचे वेध लागले आहेत. नवीन वर्ष कसं असेल त्यामध्ये कोणत्या गोष्टी घडतील, कोणाला काय मिळेल, आर्थिक स्थिती कशी राहील याविषयी समजून घेण्यात अनेकांना रस असतो. नवीन वर्षातील काही गोष्टींमध्ये लोकांचा कॉमन इंटरेस्ट असतो. यापैकी एक म्हणजे नवीन वर्षात किती ग्रहणं होतील, ती कुठेकशी दिसतील. नवीन वर्षात 2025 प्रमाणेच एकूण 4 ग्रहणे होणार आहेत. त्यापैकी दोन सूर्यग्रहण आणि दोन चंद्रग्रहण होतील.

1/5

ज्योतिषशास्त्र आणि धार्मिक श्रद्धेनुसार ग्रहणंही अशुभच मानली जातात, त्यामुळे या काळात काही विशेष नियमांचे पालन करणे आवश्यक मानले जाते. म्हणजे ग्रहण काळात ठराविक वेळात अन्न खाऊ नये किंवा झोपू नये इ. ग्रहण काळात देवाचे नामस्मरण-मंत्र जप करण्याचा सल्ला दिला जातो. नवीन 2026 वर्षात ग्रहण केव्हा होणार, याविषयी सविस्तर जाणून घेऊ.

2/5

2026 चे पहिले ग्रहण - 17 फेब्रुवारी 2026नवीन वर्षातील पहिले सूर्यग्रहण 17 फेब्रुवारी रोजी होणार असून ते दक्षिण आफ्रिका, दक्षिण अर्जेंटिना आणि अंटार्क्टिकामध्ये दिसेल. पण, हे ग्रहण भारतातील जनतेला पाहता येणार नाही. त्यामुळे त्याचा सुतक काळही वैध राहणार नाही.

3/5

2026 चे दुसरे ग्रहण - 3 मार्च 2026नवीन वर्षातील दुसरे ग्रहण हे चंद्रग्रहण असेल, ते 3 मार्च 2026 रोजी होणार आहे. हे ग्रहण भारत, ऑस्ट्रेलिया, उत्तर आणि दक्षिण अमेरिकेसह आशियातील अनेक भागांमध्ये दिसेल. हे ग्रहण भारतात दिसत असल्यानं त्याचा सुतक कालावधीही वैध असेल.

4/5

2026 चे तिसरे ग्रहण -2026 चे तिसरे ग्रहण दिनांक 12 ऑगस्ट रोजी होणार असून ते सूर्यग्रहण असेल. हे सूर्यग्रहण आर्क्टिक, ग्रीनलँड, आइसलँड, स्पेन, रशिया आणि पोर्तुगालच्या काही भागांमध्ये दिसेल. भारतातील लोकांना हे ग्रहण पाहता येणार नाही कारण त्यावेळी भारतात दिवस असणार आहे.

5/5

2026 मधील चौथे ग्रहण -नवीन वर्षातील चौथे ग्रहण 28 ऑगस्ट 2026 रोजी होणार असून ते चंद्रग्रहण असेल. पण भारतात ते दिसणार नाही. त्यामुळे त्याचे सुतकही वैध ठरणार नाही. हे ग्रहण उत्तर आणि दक्षिण अमेरिका, युरोप आणि आफ्रिकेच्या काही भागात दिसणार आहे.

2026 Grahan News: नवीन वर्ष 2026 मध्ये दोन सूर्यग्रहणं आणि दोन चंद्रग्रहणं; भारतात किती दिसणार, वेळ-काळ?

फोटो

ताज्या बातम्या