Vasant Panchami 2026: वसंत पंचमीला घातक विषयोगाची बाधा; 3 राशींवर दु:खाचा डोंगर, मोठे नुकसान

हा योग 25 जानेवारी रोजी दुपारी 1 वाजून 35 मिनिटांपर्यंत प्रभावी राहील. ज्योतिषशास्त्रात शनीला कर्म आणि संघर्षाचा कारक मानले जाते, तर चंद्र हा मन आणि भावनांशी संबंधित आहे. जेव्हा हे दोन्ही ग्रह एकत्र येतात, तेव्हा मानसिक दबाव, आर्थिक अडचणी आणि नात्यात तणाव वाढू शकतो. वसंत पंचमीसारख्या शुभ दिवशी हा योग बनणे काही राशींसाठी आव्हानात्मक ठरेल.

वृषभ : वसंत पंचमीला तयार होत असलेला विष योग वृषभ राशीच्या लोकांसाठी अडचणी निर्माण करू शकतो. या काळात आर्थिक स्थिती खालावण्याची शक्यता आहे. अचानक खर्च वाढल्याने बजेट बिघडू शकते. आरोग्याशी संबंधित समस्या, विशेषतः पोटाचे विकार आणि निद्रानाश सतावू शकतो. कोणावरही आंधळेपणाने विश्वास ठेवणे नुकसानकारक ठरू शकते. गुंतवणूक करणे किंवा उधार देणे टाळावे.

सिंह : सिंह राशीच्या व्यक्तींसाठी हा योग करिअर आणि रिलेशनमध्ये तणाव आणू शकतो. कामाच्या ठिकाणी सहकाऱ्यांशी किंवा वरिष्ठांशी वाद होण्याची शक्यता आहे. मेहनतीनुसार फळ न मिळाल्याने मन अस्वस्थ राहील. वैयक्तिक आयुष्यात जोडीदाराशी मतभेद होऊ शकतात. जुन्या गोष्टींवरून वाद वाढू नये म्हणून रागावर नियंत्रण ठेवणे अत्यंत आवश्यक आहे.

वृश्चिक: वृश्चिक राशीच्या लोकांसाठी ही वेळ सर्वात जास्त सतर्क राहण्याची आहे. विष योगाच्या प्रभावामुळे आरोग्य बिघडू शकते. जुना आजार पुन्हा डोके वर काढण्याची शक्यता आहे. याशिवाय एखादी वाईट बातमी मिळण्याची शक्यता असल्याने मानसिक तणाव वाढू शकतो. धनहानीचे योग असल्याने व्यवहारात विशेष काळजी घ्या. कोणताही मोठा निर्णय घाईघाईत घेऊ नका.

विष योगाच्या प्रभावापासून वाचण्यासाठी उपाय - विष योगाचा नकारात्मक प्रभाव कमी करण्यासाठी वसंत पंचमीच्या दिवशी काही उपाय करणे फायदेशीर ठरेल. या दिवशी सकाळी स्नानानंतर शिवलिंगावर कच्चे दूध आणि जल अर्पण करावे. भगवान शंकराची पूजा केल्याने मानसिक तणाव कमी होतो.

याशिवाय 'ॐ नमः शिवाय' या मंत्राचा 108 वेळा जप करावा. यामुळे मन शांत राहते आणि नकारात्मक विचार दूर होतात. गरजू व्यक्तीला अन्न किंवा वस्त्र दान करणे देखील शुभ मानले जाते. या उपायांमुळे विष योगाची तीव्रता बऱ्याच प्रमाणात कमी होऊ शकते.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)