2026 संघर्षाचं! मूलांक 6 असणाऱ्या लोकांच्या आयुष्यात येणार वादळ, वाचा काय घडणार

अंकशास्त्रानुसार, ज्या लोकांचा जन्म कोणत्याही महिन्याच्या 6, 15, किंवा 24 तारखेला झाला आहे, त्यांचा मूलांक 6 असतो. मूलांक 6 चा स्वामी ग्रह शुक्र आहे, जो सौंदर्य, प्रेम, कला, भौतिक सुख आणि समृद्धीचे प्रतीक मानला जातो.

2026 या वर्षाचा एकूण मूलांक 1 आहे, ज्याचा स्वामी ग्रह सूर्य आहे. शुक्र आणि सूर्य हे दोन्ही ग्रह एकमेकांचे विरोधी मानले जातात. त्यामुळे मूलांक 6 असलेल्यांसाठी 2026 हे वर्ष संघर्ष आणि यश यांचा मिलाफ घेऊन येणारे ठरू शकते. या वर्षात तुम्हाला उत्पन्न आणि खर्च यात योग्य संतुलन ठेवावे लागेल.

करिअर आणि व्यवसाय: करिअरच्या दृष्टीने हे वर्ष संमिश्र परिणाम देईल. तुम्हाला तुमच्या कामात वरिष्ठांचा विरोध किंवा सहकाऱ्यांशी मतभेद जाणवू शकतात. मात्र, तुमच्या कलात्मक आणि क्रिएटिव्ह गुणांमुळे कामात नवीन संधी मिळतील. नोकरीत बदल किंवा पदोन्नतीसाठी तुम्हाला जास्त संघर्ष करावा लागेल.

आर्थिक स्थिती: आर्थिक बाजू अस्थिर राहू शकते. उत्पन्नाचे स्रोत वाढतील, पण त्याचबरोबर खर्चही मोठ्या प्रमाणात वाढतील. कॉस्मॅटिक्स, मनोरंजन किंवा मौल्यवान वस्तूंवर जास्त खर्च होण्याची शक्यता आहे. गुंतवणूक करताना घाई करू नका, अन्यथा नुकसान होऊ शकते.

प्रेम आणि नातेसंबंध: प्रेम आणि वैवाहिक जीवनात काही तणाव निर्माण होऊ शकतो. तुमच्या जोडीदाराशी असलेले संबंध सुधारण्यासाठी तुम्हाला अधिक वेळ आणि लक्ष द्यावे लागेल. भावनिक गोष्टींवरून वाद होण्याची शक्यता आहे. अविवाहितांनी नवीन नातेसंबंध जोडताना सावधगिरी बाळगावी.

आरोग्य: आरोग्याच्या दृष्टीने हे वर्ष मध्यम राहील. तुम्हाला खाण्यापिण्याच्या सवयींवर नियंत्रण ठेवावे लागेल, अन्यथा पोटाशी संबंधित समस्या वाढू शकतात. तसेच, त्वचेशी संबंधित समस्यांकडे दुर्लक्ष करू नका.

उपाय: शुभ परिणाम वाढवण्यासाठी, शुक्रवारी लक्ष्मी देवीची पूजा करा. दानधर्म करा आणि गरिबांना पांढरे वस्त्र दान करा. रोज सकाळी सूर्यदेवाला नमस्कार करा.