BYD: 410 किमी कुठेही फिरा, 30 मिनिटांत होईल फुल चार्ज, Tata, Mahindra ला टक्कर द्यायला आली नवी SUV

सध्या भारतात इलेक्ट्रिक वाहनांनी चांगलीच भाऊ गर्दी केली आहे. एकापेक्षा एक दुचाकी आणि कार लाँच झाल्या आहेत. अशातच आता  चीनची फेमस इलेक्ट्रिक वाहन उत्पादक कंपनी BYD ने आता आपली सगळ्यात स्वस्तात मस्त अशी  इलेक्ट्रिक एसयूव्ही 'Atto 2' लाँच केली आहे. विशेष म्हणजे, ही एसयूव्ही भारतात लाँच केली असून दिल्लीच्या रस्त्यावर चाचणी सुरू आहे. या कारमध्ये सर्वात लवकर चार्ज होण्याचं फिचर दिलं आहे.  

BYD ने  Atto 2 ला यूकेमध्ये लाँच केलं आहे.  यूकेमध्ये तिच्या 'बेस बूस्ट' मॉडेलची सुरुवातीची किंमत सुमारे 32.5 लाख रुपये इतकी आहे. तर 'हाय-एन्ड कम्फर्ट' मॉडेलची किंमत सुमारे 41.3 लाख रुपये आहे. आतापर्यंत BYD मुख्यत्वे लक्झरी इलेक्ट्रिक गाड्यांवर लक्ष केंद्रित करत होती, पण Atto 2 च्या लाँचमुळे कंपनीने आपल्या धोरणात बदल केला आहे.

हे मॉडेल BYD च्या 'e-platform 3.0' आर्किटेक्चरवर तयार केलं आहे. या एसयूव्हीची लांबी 4,310 मिमी, रुंदी 1,830 मिमी आणि उंची 1,675 मिमी आहे, तर व्हीलबेस 2,620 मिमी आहे. या फिचर्समुळे ही गाडी Hyundai Creta Electric, Tata Curvv EV आणि MG ZS EV सारख्या गाड्यांशी स्पर्धा करेल.

2 बॅटरी मॉडेल्स - BYD ने Atto 2 मध्ये दोन वेगवेगळ्या बॅटरी पर्याय दिले आहेत, जे ग्राहकांच्या वेगवेगळ्या गरजा पूर्ण करतील. बेस बूस्ट मॉडेल: यामध्ये 51.1kWh चा 'ब्लेड बॅटरी पॅक' आहे, जो 345 किमीची WLTP-मान्यताप्राप्त रेंज देतो.

कम्फर्ट मॉडेल: यामध्ये 64.8kWh ची मोठी बॅटरी आहे, जी रेंज वाढवून 420 किमीपर्यंत नेते. दोन्ही मॉडेल्समध्ये समोरच्या चाकांमध्ये एक सिंगल इलेक्ट्रिक मोटर आहे, जी 174bhp पॉवर आणि 290Nm टॉर्क निर्माण करते.

30 मिनिटांत 80% चार्ज - बूस्ट मॉडेल 82kW DC फास्ट चार्जिंगला सपोर्ट करते, ज्यामुळे बॅटरी 30 मिनिटांत 30% वरून 80% पर्यंत चार्ज होते. कम्फर्ट मॉडेल मध्ये 155kW चार्जिंग सिस्टम आहे, ज्यामुळे चार्जिंगचा वेळ फक्त 21 मिनिटांपर्यंत कमी होतो. दोन्ही मॉडेल्समध्ये BYD ची खास 'ब्लेड बॅटरी' तंत्रज्ञान वापरलं आहे.