Mahindra ने आणली सुपरफास्ट Car, एका चार्जमध्ये मुंबई-पुणे 4 वेळा बिनधास्त फिरा,लूक पाहून पडाल प्रेमात

भारतातील सर्वात मोठी वाहन उत्पादक कंपनी असलेल्या महिंद्रा अँड महिंद्राने आतापर्यंत मार्केटमध्ये ईलेक्ट्रिक कार लाँच करून जोरदार आघाडी घेतली आहे. अलीकडे महिंद्राने BE सीरिजमध्ये हायटेक आणि सुपरफास्ट अशा इलेक्ट्रिक कार लाँच केल्या होत्या. आता महिंद्राने आपल्या इलेक्ट्रिक SUV-कूप, BE 6 चं  BE 6 Formula E Edition मॉडेल लाँच केलं आहे. कंपनीने याआधी  BE 6 आणि XEV 9e च्या 30,000 गाड्यांची विक्री केली. त्यानंतर   Mahindra BE 6 Formula E Edition आणली आहेय विशेष म्हणजे, या कारची रेंजही सर्वाधिक आहे.

BE 6 Formula E Edition मध्ये  BE 6 पेक्षा अनेक चांगल्या प्रकारे डिझाईनवर भर दिला आहे. अनेक नवीन फिचर्स दिले आहे.  Mahindra BE 6 Formula E ही ४ रंग पर्यायांमध्ये उपलब्ध आहे  Stealth Black, Tango Red, Everest White आणि Firestorm Orange.

Mahindra BE 6 Formula E Edition च्या डिझाइनबद्दल बोलायचं झालं तर ही एक पूर्ण स्पोर्टी लूक देते. आधीच्या कारपेक्षा थोडेफार बदल करण्यात आले आहे. समोर गोल LED प्रोजेक्टर हेडलॅम्प दिला आहे, बनावट आणि चांदीच्या बॅश प्लेटसह सुधारित फ्रंट आणि रीअर बंपर आहेत. यात नवीन एरो डिझाइनसह तब्बल 20-इंचाचे अलॉय व्हील्स देखील आहेत.

तसंच,  फ्रंट क्वार्टर पॅनल्सवरील डेकल्स, बंपरवर ब्लॅक बॉडी क्लॅडिंग, फिक्स्ड ग्लास रूफ, बोनेट आणि छतावर 'फॉर्म्युला ई-प्रेरित १२-स्ट्राइप ग्राफिक' आणि एक्सक्लुझिव्ह फॉर्म्युला ई बॅजिंग यांचा समावेश आहे.

Mahindra BE 6 Formula E Edition ही आधीच्या BE 6  च्या तुलनेत, या स्पेशल एडिशनमध्ये फायरस्टॉर्म ऑरेंज केबिन थीम आहे, ज्यामध्ये सीट्स आणि डॅशबोर्डवर फॉर्म्युला ई लोगो, एफआयए एक्स फॉर्म्युला ई एडिशन प्लेट आणि सीट बेल्टवर एफआयए ब्रँडिंग आहे.

त्यामुळे  स्पोर्टी लूक आणखी उठून दिसतो. बाहेरून इंजिन आणि फॉर्म्युला ई-प्रेरित स्टार्टअप अॅनिमेशन दिले आहे BE 6  फॉर्म्युला ई एडिशन टॉप-एंड पॅक थ्री ट्रिमवर तयार केली आहे.

Mahindra BE 6 Formula E Edition बॅटरी आणि रेंज - बॅटरी आणि रेंजबद्दल बोलायचं झालं तर BE6 स्पेशल एडिशनमध्ये 79kWh क्षमतेचा बॅटरी पॅक दिला आहे, जो मागील-एक्सल माउंटेड इलेक्ट्रिक मोटरसह जोडलेला आहे. हा सेटअप २८६ बीएचपी पॉवर आणि ३८० एनएम इतका टॉर्क जनरेट करतो. कंपनीने दावा केला आहे की, एकदा चार्ज केल्यावर ही कार 682 किमीची रेंज देईल.

Mahindra BE 6 Formula E Edition मध्ये दमदार असे फिचर्स दिले आहे. यामध्ये  डुअल 12.3-इंच स्क्रीन इंस्ट्रूमेंट क्लस्टर आणि इंफोटेनमेंट फिचर्स दिले आहे.  एक प्रीमियम 16-स्पीकर हरमन कार्डन साउंड सिस्टम, वायरलेस फोन चार्जिंग, आणि डुअल-झोन क्लाइमेट कंट्रोल सारखे फिचर्स दिले आहे.

सुरक्षेसाठी या कारमध्ये  6 एअरबॅग्स आणि 360-डिग्री कॅमेरा दिला आहे. पण, या कारमध्ये ADAS फिचर्स दिलं नाही. पण  ब्लाइंड स्पॉट मॉनिटर आणि ड्रायव्हर ड्राउजिनेस अलर्ट सारखे उपयोगी फिचर्स दिले आहे.

Mahindra ने आपल्या या BE 6 Formula E Edition साठी पहिल्या ९९९ ग्राहकांसााठी स्पेशल ऑफर दिली आहे. याामध्ये महिंद्रा ची फॉर्मुला E कारवर नाव नोंदवण्याची संधी,  महिंद्रा रेसिंग कलेक्टरचा बॉक्स आणि Alpine Formula-1 रिजर्व ड्रायव्हर कुश मॅनीसोबत एकदा ट्रॅकवर अनुभव घेण्याची संधी आहे. ३ नशिबवान  विजेत्यांना 2026 मध्ये लंडन होणाऱ्या ई-प्रीमध्ये सहभागी होता येईल.

Mahindra BE 6 Formula E Edition ही  FE2 आणि FE3 या दोन प्रकारांमध्ये उपलब्ध आहे. 23.69 लाख (एक्स-शोरूम) पासून या कारची किंमत सुरू होते.  Mahindra BE 6 Formula E Edition ची  बुकिंग 14 जानेवारी 2026 रोजी सुरू होईल आणि डिलिव्हरी 14 फेब्रुवारीपासून सुरू होईल.

कारमध्ये दमदार अशी बॅटरी आणि मोटर दिली आहे. ज्यामुळे अवघ्या 6.7 सेकंदामध्ये 0 ते 100 किमी स्पीड गाठू शकते. कंपनीने दावा केला आहे की, ही गाडी 682 किमी इतकी रेंज देईल.