पगार असू द्या कमी पण ऑफिसला जा कारनेच! Maruti ची 24 किमी मायलेजदार Car, EMI सगळ्यात कमी

जीएसटीच्या दरात कपात झाल्यानंतर ऑटो इंडस्ट्रीमध्ये स्वस्ताईची लाट आली आहे. ज्या एसयूव्ही आधी महाग होत्या त्या आता कारच्या किंमतीत उपलब्ध झाल्या आहेत. कारच्या किंमती या एखाद्या बाईक इतकी झाली आहे. अशातच भारतातील सर्वात मोठा वाहन उत्पादक कंपनी मारुती सुझुकीने आपल्या गाड्यांच्या किंमतीत कमालीची कपात केली आहे.

मायलेज आणि कमी किंमत असल्यामुळे मारुती सुझुकीच्या गाड्यांची विक्रमी विक्री होत असते. अशातच  Maruti Wagon R ची किंमत आणखी कमी झाली आहे. जर तुमचा पगार हा ३० हजारांच्या आसपास असेल तरीही तुम्ही कार खरेदी करू शकतात.

Maruti Wagon R चं बेस मॉडेल LXI व्हेरिएंटची किंमत 4,98,900 एक्स-शोरूमपासून सुरू होते. जर तुम्ही मुंबईत राहत असाल तर या कारची ऑन-रोड  किंमत जवळपास 5.50 ते 5.77 लाखांपर्यंत येईल. यामध्ये RTO चार्ज आणि इंशुरन्सचा समावेश आहे.

Maruti WagonR साठी किती डाउन पेमेंट करायचं?  जर तुमचा पगार हा ३० ते ४० हजार असेल  तर Maruti Wagon R हा तुमच्यासाठी एक बेस्ट पर्याय आहे. Maruti Wagon R  च्या बेस LXI व्हेरिएंटची खरेदी करण्यासाठी तुम्हाला कमीत कमी  1 लाख रुपये इतकं डाउन पेमेंट करावं लागेल.

यानंतर, जर तुम्ही बँकेकडून  4.53 लाखाचं कार लोन घेतलं तर तुमचा EMI  सुमारे 9,000 प्रति महिना येऊ शकतो. जर तुम्ही डाउन पेमेंटची रक्कम वाढवली, तर EMI आणखी कमी होईल. बँक कर्जाच्या अटी आणि EMI तुमच्या क्रेडिट स्कोअर आणि बँक धोरणानुसार बदलू शकतात.

Maruti WagonR चं इंजिन आणि मायलेज - Maruti Wagon R तीन पॉवरट्रेन पर्यायांमध्ये येते, ज्यात 1.0-लीटर पेट्रोल इंजिन, 1.2-लीटर पेट्रोल इंजिन आणि CNG वेरिएंटचा समावेश आहे.   याचे CNG वेरिएंट 24 km/kg पर्यंत मायलेज देतं. यामुळेच ही कार मध्यमवर्गीय कुटुंबांसाठी आणि रोजचा लांबचा प्रवास करणाऱ्या लोकांसाठी सर्वात किफायतशीर पर्याय मानली जाते.

Maruti WagonR चे फिचर्स - Maruti Wagon R ही तिच्या सेगमेंटमध्ये सगळ्यात बेस्ट अशी कार आहे. Maruti WagonR मध्ये 7-इंच टचस्क्रीन इन्फोटेनमेंट सिस्टम आहे, जी Android Auto आणि Apple CarPlay ला सपोर्ट करते.

तसंच, 4-स्पीकर साउंड सिस्टम, ड्युअल-टोन इंटिरियर्स, स्टीयरिंग-माउंटेड कंट्रोल्स आणि 341 लीटर बूट स्पेस देण्यात आला आहे. सुरक्षेसाठी, कंपनी Maruti WagonR मध्ये 6 एअरबॅग्ज स्टँडर्ड दिले आहे. या शिवाय ABS सह EBD, रियर पार्किंग सेन्सर आणि हिल-होल्ड असिस्टसारखे फीचर्स देखील उपलब्ध आहेत.

Maruti Wagon R ची स्पर्धा Tata Tiago, Hyundai Exter, Renault Kwid आणि Maruti Suzuki Swift या कार्सशी आहे. नुकतीच Tata Tiago च्या किमतीत सध्या 75,000 पर्यंतची कपात झाली असून, आता ही कार आता 4.57 लाख एक्स-शोरूम किंमतीपासून सुरू होते. अशा परिस्थितीत ग्राहकांसाठी परवडणाऱ्या कार सेगमेंटमधील पर्याय आणखी वाढले आहेत.