Guess Who: बापरे बाप! फक्त 20 मिनिटांचे वसूल केले 9 कोटी, अभिनेत्रीने जमवली 550 कोटींची प्रॉपर्टी, कोण आहे ती?

मुंबई: बॉलिवूडमध्ये असे काही कलाकार आहेत, जे अभिनयाच्या बाबतीत अव्वल तर आहेतच; पण श्रीमंतीच्या बाबतीतही त्यांची बरोबरी करणे कठीण आहे. आजची अशीच एक लेडी सुपरस्टार आहे, जी एका चित्रपटासाठी कोणत्याही बड्या अभिनेत्याएवढी फी घेते.

आश्चर्याची गोष्ट म्हणजे, या अभिनेत्रीने केवळ २० मिनिटांच्या भूमिकेसाठी तब्बल ९ कोटी रुपये आकारले होते! कोण आहे ही अभिनेत्री, जिने कमी वेळात एवढी मोठी कमाई केली?

ज्या अभिनेत्रीबद्दल आपण बोलत आहोत, ती आहे दिग्गज दिग्दर्शक महेश भट्ट आणि अभिनेत्री सोनी राजदान यांची लेक आलिया भट्ट!

आलियाने आपल्या १३ वर्षांच्या करिअरमध्ये एकाहून एक सरस चित्रपट दिले आहेत. तिच्या तीन वर्षांपूर्वी आलेल्या ब्लॉकबस्टर चित्रपटातील भूमिकेची ही गोष्ट आहे. हा चित्रपट म्हणजे एस. एस. राजामौली दिग्दर्शित ‘आरआरआर’!

मार्च २०२२ मध्ये प्रदर्शित झालेल्या या चित्रपटात साऊथचे सुपरस्टार ज्युनियर एनटीआर आणि राम चरण मुख्य भूमिकेत होते. यात आलियाने ‘सीता’ नावाचं छोटंसं पण प्रभावी पात्र साकारलं होतं.

तिची स्क्रीनवरील उपस्थिती फक्त २० मिनिटांची होती, पण त्यासाठी तिने घेतलेली ९ कोटी रुपयांची फी ऐकून सगळ्यांना धक्का बसला होता!

आलिया भट्ट आज बॉलिवूडमधील सर्वात श्रीमंत अभिनेत्रींमध्ये गणली जाते. २०१२ पासून लीड ॲक्ट्रेस म्हणून काम करत असलेल्या आलियाची एकूण नेटवर्थ तब्बल ५५० कोटी रुपये आहे!

ती केवळ एका चित्रपटासाठी २० ते २५ कोटी रुपये आकारते. चित्रपटांसोबतच ब्रँड एंडोर्समेंट्स हा तिच्या कमाईचा मोठा स्रोत आहे. आलिया एका जाहिरातीसाठी चक्क ५ ते ७ कोटी रुपये वसूलते. पती रणबीर कपूरसोबत ती मुंबईत आलिशान आयुष्य जगत आहे.