'तिच्या आईने तिला शिकवलंय...' ऐश्वर्यासोबत डिवोर्सच्या चर्चा, अभिषेकनं सांगितलं काय असते लेक आराध्याची रिअ‍ॅक्शन

अभिनेत्री ऐश्वर्या राय आणि अभिनेता अभिषेक बच्चन यांच्या वैयक्तिक आयुष्याबद्दल अनेक चर्चा होत असतात. काही वर्षांपासून दोघांचा डिवोर्स होणार असल्याच्या चर्चा सुरू आहेत.

ऐश्वर्यानं बच्चन कुटुंबाचं घर सोडलं ते दोघांनी कोर्टात डिवोर्स फाइल केला आहे इथपर्यंत अनेक चर्चा सुरू होत्या. मात्र ऐश्वर्या आणि अभिषेक यांनी यावर भाष्य केलेलं नाही. दरम्यान अभिषेकनं एका मुलाखतीत बोलताना चर्चा करण्यांना झापलं होतं. पण त्यानंतर दोघांनीही कधीच त्यांच्या वैयक्तिक आयुष्याची चर्चा केली नाही.

दरम्यान एका मुलाखतीत बोलताना अभिषेकनं सोशल मीडियावर होणाऱ्या चर्चा आणि पसरणाऱ्या अफवांवर मौन सोडलं. मुलगी आराध्याचं या चर्चांवर काय मत आहे हे देखील सांगितलं.

पिपिंगमूनला दिलेल्या मुलाखतीत बोलताना अभिषेक म्हणाला, "ऐश्वर्यानं आराध्याच्या मनात फिल्म इंडस्ट्री आणि आमच्या कामासंबंधी खूप सन्मान भरला आहे. आम्ही जे काही आहोत ते फिल्म आणि प्रेक्षकांमुळे आहोत हे तिने आराध्याला शिकवलं आहे."

आराध्या खूप आत्मविश्वासी असल्याचं अभिषेकनं सांगितलं. अभिषेक म्हणाला, "आराध्याला तिचं स्वत:चं एक मत आहे. ती खूप समजूतदार टीनएजर आहे. तिचं मत खूप स्वच्छ असतं, या सगळ्यांवर आम्ही घरी चर्चा करतो. ती तिचं मत खूप व्यवस्थितरित्या मांडते."

आराध्याकडे मोबाईल नसल्याचंही अभिषेकनं सांगितलं. तो म्हणाला, "ती फक्त 14 वर्षांची आहे. तिच्याकडे फोन नाही. तिला तिच्या मित्र मैत्रिणींना फोन करायचा असेल तर ती तिच्या आईचा फोन वापरते. हे आम्ही आधीच ठरवलं होतं. तिच्यासाठी इंटरनेट सुविधा आहे पण ती त्याचा वापर तिच्या अभ्यासासाठी आणि रिसर्चसाठी करते. तिला शाळेत जायला खूप आवडतं."

आराध्या जर इंटरनेट वापरते तर तिला तिच्या आई-वडिलांबद्दल सुरू असलेल्या अफवा देखील ऐकायला मिळत असतील, हे ऐकून ती अस्वस्थ होत नाही? असा प्रश्न विचारला असता अभिषेक म्हणाला, "मला नाही वाटत ती असं करत असेल. तिला या गोष्टींमध्ये अजिबात इंटेरेस्ट नाहीये. तिला तिच्या आईने शिकवलं आहे की वाचलेल्या सगळ्या गोष्टींवर विश्वास ठेवायचा नाही."

"जसे माझे आई-वडिल माझ्याशी ईमानदार राहायचे तसं मीही माझ्या कुटुंबाशी पूर्णपणे ईमानदार राहतो. त्यामुळे कोणालाच कोणावर संशय घेण्याची गरज पडत नाही."

आराध्याच्या जन्मानंतर अभिषेकनं दारू आणि सिगरेट पिणं सोडलं आहे. त्याविषयी बोलताना अभिषेक म्हणाला, "हो मी त्या दोन्ही गोष्टी सोडल्या आहेत. त्या गोष्टींना मी आता अजिबात हात लावत नाही."