Bigg Boss Marathi 6 च्या घरातून कोण जाणार पहिल्याच आठवड्यात बाहेर? लेटेस्ट वोटिंग ट्रेंड समोर

'बिग बॉस मराठी 6'मध्ये एकूण 9 सदस्य पहिल्याच आठवड्यात नॉमिनेट झाले आहेत. यात दिपाली सय्यद, करण सोनावणे, रुचिता जामदार, प्रभू शेळके, अनुश्री माने, सागर कारंडे, दिव्या शिंदे, रोशन भजनकर आणि राधा पाटील या स्पर्धकांचा समावेश आहे.

'बिग बॉस मराठी 6'च्या पहिल्याच आठवड्यात अटीतटीची लढाई पाहायला मिळतेय. मागच्या सीझनमध्ये पहिल्या आठवड्यात एविक्शन झालं होतं. त्यामुळे आता या सीझनच्या पहिल्या आठवड्यात कोण घराबाहेर जाणार हे पाहणं उत्सुकतेचं ठरेल.

रुचिता जामदार आणि प्रभू शेळके या सदस्यांना सगळ्यात कमी वोट्स मिळाले आहेत. सोशल मीडियावरील पोल्समध्ये या दोघांमध्ये कमी वोट्स आहेत. प्रभू घराबाहेर एक आणि घरात एक वागतोय. तर रुचिताने आपली पॉवर की सहज करणला दिली. तिच्यात गेममधला सीरियसनेस दिसत नाही आहे.

राधा पाटील मुंबईकरलादेखील कमी वोट्स मिळाले आहेत. राधा पाटील लेटेस्ट वोटिंग ट्रेंडमध्ये सातव्या क्रमांकावर आहे. सहाव्या क्रमांकावर दिपाली सय्यद हे मोठं नाव आहे. दिपाली सय्यद यांचा गेममध्ये इन्वॉल्हमेंट आहे. त्यामुळे चाहत्यांचा त्यांना पाठिंबा मिळू शकतो.

'बिग बॉस मराठी 6'च्या लेटेस्ट वोटिंग ट्रेंडच्या लिस्टमध्ये अनुश्री माने पाचव्या क्रमांकावर आहे. नॉमिनेशननंतर अनुश्री खूप घाबरलेली होती. रात्री 3 वाजताही ती जागी होती. त्यामुळे आता तिचा वेगळा गेमप्लॅन पाहायला मिळू शकतो.

चौथ्या क्रमांकावर 'चला हवा येऊ द्या'फेम सागर कारंडे आहे. सागर कारंडेला चाहत्यांचे भरपूर वोट्स मिळाले आहेत. सागर प्रेक्षकांचं चांगलच मनोरंजन करू शकतो.

'बिग बॉस मराठी 6'च्या पहिल्या आठवड्यातील लेटेस्ट वोटिंग ट्रेंडमध्ये दिव्या शिंदे तिसऱ्या क्रमांकावर आहे. दिव्या शिंदेला प्रचंड वोट्स मिळत आहेत. सध्या तरी तिच्यासाठी वोटिंग तगडं आहे. तर दुसऱ्या क्रमांकावर करण सोनावणे आहे. तर पहिल्या क्रमांकावर राज्य करतोय रोशन भजनकर. हे नॉमिनेशन आता त्याच्यासाठी फायदेशीर ठरू शकतं. 'बिग बॉस मराठी 6'च्या नॉमिनेशनमध्ये खरंतर ओमकार राऊत, आयुष संजीव यायला पाहिजे होते. कारण ते खूप कमी शोमध्ये दिसले आहेत.