Traffic News : मुंबईत18 जानेवारीला वाहतुकीत मोठा बदल; कसा कराल प्रवास?पर्यायी मार्ग कोणते?वाचा सविस्तर

मुंबई : मुंबईतील नागरिकांसाठी एक महत्त्वाची बातमी समोर आली आहे. येत्या रविवारी अर्थात 18 जानेवारी रोजी होणाऱ्या टाटा मुंबई मॅरेथॉनमुळे शहरातील वाहतुकीत मोठे बदल करण्यात येणार आहेत. या मॅरेथॉनच्या पार्श्वभूमीवर मुंबई वाहतूक पोलिसांनी दक्षिण आणि मध्य मुंबईत अनेक रस्ते बंद ठेवण्याचा तसेच वाहतूक वळवण्याचा निर्णय घेतला आहे. त्यामुळे या भागांत प्रवास करणाऱ्या नागरिकांनी आधीच नियोजन करूनच बाहेर पडावे असे आवाहन करण्यात आले आहे.