Bollywood Superstars Villains : हिरो राहिला बाजूला, व्हिलनच ठरला सुपरहिट! ब्लॉकबस्टर झाल्या या 8 फिल्म्स

अभिनेते विनोद खन्ना आणि शत्रुघ्न सिन्हा यांनी त्यांच्या बॉलीवूड कारकिर्दीची सुरुवात खलनायका म्हणून केली. 90 च्या दशकात शाहरुख खानने त्याच्या कारकिर्दीच्या सुरुवातीला बाजीगर,डर, आणि अंजाम सारख्या सिनेमातून खलनायक साकारला होता. 

1993 मध्ये सुभाष घई यांच्या 'खलनायक' सिनेमात संजय दत्तने बल्लूची भूमिका केली होती. या भूमिकेला प्रेक्षकांनी चांगला प्रतिसाद दिला. 'चोली के पीछे क्या है', 'नायक नही, खलनायक हूं मैं', आणि 'पालकी में होके सवार चली रे...' सारखी गाणी खूप लोकप्रिय झाली. 1993मध्ये संजय दत्तला 1992 च्या मुंबई बॉम्बस्फोट प्रकरणी तुरुंगात टाकण्यात आलं. तुरूंगातून बाहेर आल्यानंतर संजयने सिनेमाचं डबिंग केलं होतं. हा सिनेमा तेव्हा ब्लॉकबस्टर ठरला होता. 

1994 मध्ये मोहरा हा एक अ‍ॅक्शन सिनेमा आला. राजीव राय दिग्दर्शित या सिनेमात नसीरुद्दीन शाह यांनी मिस्टर जिंदालची भूमिका साकारली होती. सुमारे 3 कोटी रुपयांच्या बजेटमध्ये बनवलेल्या या सिनेमाने 23 कोटी रुपयांची कमाई 1996 मध्ये आलेल्या 'हिम्मत' सिनेमात नसीरुद्दीन शाह यांनीही नकारात्मक भूमिका साकारली होती. 

राजकुमार संतोषी यांच्या 2004मध्ये आलेल्या 'खाकी' सिनेमात अजय देवगणने खलनायक साकारला होता. ऐश्वर्या राय बच्चनही यात नकारात्मक भूमिकेत होती. या सिनेमात अमिताभ बच्चन, अक्षय कुमार, तुषार कपूर आणि अतुल कुलकर्णी हे देखील दिसले. 

2004 साली आलेल्या 'धूम' सिनेमात  जॉन अब्राहमने सुपर चोरची भूमिका केली होती. सिनेमाचे आकर्षण म्हणजे त्याची सुपर बाईक. अभिषेक बच्चन, उदय चोप्रा, जॉन अब्राहम, ईशा देओल आणि रिमी सेन यांनी या सिनेमात काम केले होते. 11 कोटी बजेट असलेल्या सिनेमाने 77 कोटींची कमाई केली होती. 

धूम 2मध्ये सुपर चोर ऋतिक रोशन होता तर धूम 3मध्ये आमिर खान होता. सगळ्यां सिनेमांनी बॉक्स ऑफिसवर दमदार कमाई केली. 

2006 मध्ये, हृतिक रोशनच्या 'क्रिश' सिनेमा आला होता जो कोई मिल गयाचा सिक्वेल होता.यात नसीरुद्दीन शहा यांच्या खलनायकी भूमिकेने खळबळ उडवून दिली होती.  नसीरुद्दीन शाह यांनी डॉ. आर्याच्या भूमिकेत जीव ओतून काम केलं होतं. 

 2012मध्ये आलेल्या 'अग्निपथ' सिनेमात संजय दत्तने ड्रग्ज तस्कराची शक्तिशाली भूमिका साकारली होती. हा सिनेमा बॉलिवूडमधील सर्वात खतरनाक खलनायकांपैकी एक आहे. या भूमिकेसाठी संजय दत्तला खूप कौतुक मिळाले आणि सिनेमाने बॉक्स ऑफिसवर असाधारण कामगिरी केली.

2018मध्ये आलेल्या 'पद्मावत' सिनेमात रणवीर सिंगने अलाउद्दीन खिलजीची भूमिका साकारली. ही त्याची सिग्नेचर भूमिका बनली.