2023 चे 'खलनायक': या 7 अ‍ॅक्टर्सने यावर्षी मारली बाजी! संजय दत्तपासून बॉबी देओलपर्यंत; 1 तर खरंच गेला तुरुंगात

Published by:Mohini Vaishnav

Last Updated:December 20, 2023 9:49 AM IST

Year End 2023, Top Villains: 2023 हे वर्ष संपत आलंय आणि मनोरंजन विश्वाचे रिपोर्ट कार्ड तयार होतेय. या वर्षात अनेक चित्रपटांनी प्रेक्षकांचे भरपूर मनोरंजन केले. त्याचबरोबर शाहरुख खानपासून ते सनी देओलपर्यंत सर्वांनीच आपल्या कामाने इम्प्रेस केले. याशिवाय यावर्षी चित्रपटांमध्ये खलनायकांची नवीन बॅचही पाहायला मिळाली. नायक-खलनायक बनलेल्या या कलाकाराने आपल्या स्टाइलमध्ये प्रेक्षकांचे मनोरंजन केले. त्याचबरोबर काही चेहरे प्रेक्षकांच्या मनात घर करून गेले. चला, या वर्षी खलनायकाची भूमिका साकारणाऱ्या सात खास चेहऱ्यांबद्दल बोलूया.

1/8

गेल्या काही काळापासून तुमच्या लक्षात आले असेल, तर मनोरंजनाच्या जगात नवनवीन चेहरे दाखल होताय. विशेषत: अभिनेता होण्यापूर्वी ते एकेकाळी नायकाच्या भूमिकेत यायचे. आता तो खलनायकाच्या भूमिकेत येताय आणि लोकही त्याला पसंती देताय.

2/8

खलनायकांच्या या यादीत पहिले नाव संजय दत्तचे आहे, ज्याने बॉलिवूड कलाकारांना प्रेरणा दिली. त्यामुळे नायकाची भूमिका साकारणारे कलाकार खलनायक म्हणून त्यांच्या वेगवेगळ्या छटा दाखवू लागले. बॉलिवूडसोबतच संजय दत्तने साऊथमध्येही आपला ठसा उमटवला. या वर्षी तो थलापति विजयच्या 'लिओ' चित्रपटात 'अँटोनी दास'च्या भूमिकेत दिसला होता. त्याला खूप पसंती मिळाली . याआधी तो 'केजीएफ'मध्ये 'अधीरा'च्या भूमिकेत दिसलाय.

3/8

संजय नंतर या वर्षात जर कोणत्या नवीन व्हेलेनने सर्वांना प्रभावित केले असेल तर तो म्हणजे मनीष वाधवा. मनीष या वर्षी दोन मोठ्या चित्रपटात दिसला आणि दोन्ही चित्रपटात त्याची भूमिका आवडली. मनीषने शाहरुख खानच्या 'जवान' चित्रपटात आणि सनी देओलच्या 'पठाण' चित्रपटात पाकिस्तानी मेजर जनरलची भूमिका साकारली आणि खूप टाळ्या मिळवल्या.

4/8

हिरोनंतर व्हिलेन म्हणून ओळखल्या जाणाऱ्या अभिनेत्यांमध्ये सैफ अली खानच्या नावाचाही समावेश होतो. यावर्षी तो ओम राऊतचा मेगाफ्लॉप चित्रपट 'आदिपुरुष'मध्ये निगेटिव्ह शेडमध्ये दिसला. प्रभासची ही फिल्म डिजास्टर ठरली पण सैफ अशा पात्रांमध्ये फिट दिसतो. याआधीही त्याने बॉलिवूड चित्रपटांमध्ये खलनायकाच्या भूमिका साकारल्याय. आता तो ज्युनियर एनटीआरच्या 'देवरा' चित्रपटात 'भैरा'च्या भूमिकेत दिसेल.

5/8

साउथच्या जगात एक अभिनेता त्याच्या शैलीने अगदी हिरोंवरही भारी पडतो आणि तो म्हणजे विजय सेतुपती. साऊथचा प्रसिद्ध अभिनेता विजय यावर्षी शाहरुख खानसोबत 'जवान'मध्ये 'काली'च्या भूमिकेत दिसला होता. या चित्रपटात विजयने शाहरुखला अभिनयात तगडी टक्कर दिली.

6/8

सलमान खानसाठी हे वर्ष खास नव्हते. त्यांचा 'किसी का भाई किसी की जान' हा चित्रपट प्रेक्षकांनी पूर्णपणे नाकारला होता. त्याचवेळी 'टायगर 3' हा चित्रपटही तितकीशी चांगली कमाई करू शकला नाही. पण या चित्रपटातून इमरान हाश्मीने खलनायकाच्या भूमिकेत प्रवेश केला आणि लोकांना तो आवडला.

7/8

रणबीर कपूरच्या 'अ‍ॅनिमल' या चित्रपटाची अजूनही चर्चा आहे. या चित्रपटाचा सर्वात जास्त फायदा बॉबी देओलला झाला. अबरार हकची भूमिका साकारून बॉबी प्रसिद्ध झाला. यालाच त्याचे कमबॅक म्हटले जात आहे. आता तो साउथमध्ये सुर्याच्या 'कांगुवा' चित्रपटात खलनायकाच्या भूमिकेत दिसणार आहे.

8/8

या वर्षातील ब्लॉकबस्टर चित्रपटांबद्दल बोलायचे झाले तर थलायवर अर्थात रजनीकांतच्या 'जेलर'चा उल्लेख नक्कीच येईल. विनायकनं या चित्रपटात खलनायकाची भूमिका साकारली आणि प्रेक्षकांना भुरळ घातली. पण खऱ्या आयुष्यातही तो यापूर्वी खलनायकाच्या भूमिकेत दिसलाय. दारूच्या नशेत त्याने खूप गोंधळ घातला होता आणि त्याच्यावर चेन्नई पोलिस ठाण्यात शांतता भंगाचा गुन्हाही दाखल झाला होता.

2023 चे 'खलनायक': या 7 अ‍ॅक्टर्सने यावर्षी मारली बाजी! संजय दत्तपासून बॉबी देओलपर्यंत; 1 तर खरंच गेला तुरुंगात

फोटो

ताज्या बातम्या