Girija Oak : तो क्षण जादुई! 2 दिवस उदयपूरमध्ये होती गिरिजा ओक, तिथे असं घडलं? सगळं वाटू लागलं मॅजिकल, PHOTO

मनोरंजन विश्वातील 'नॅशनल क्रश' म्हणून ओळखली जाणारी अभिनेत्री गिरिजा ओक पुन्हा एकदा चर्चेत आली आहे. सोशल मीडियावर सक्रिय असणाऱ्या गिरिजाची प्रत्येक पोस्ट व्हायरल होत असते.

यावेळीही तिने शेअर केलेल्या एका खास पोस्टने चाहत्यांचं लक्ष वेधून घेतलं आहे. 'तो क्षण जादुई असतो' असं म्हणत गिरिजानं पोस्ट शेअर केली आहे.

गिरिजा दोन दिवस उदयपूरमध्ये होती. तिथे तिनं असं काय अनुभवलं ज्यामुळे तिला तो क्षण खास वाटला? गिरिजा ओक नेमकी उदयपूरला का गेली होती? हा प्रश्न अनेकांना पडला असेल.

याचं उत्तर गिरिजाच्या पोस्टमधून मिळालं आहे. गिरिजा तिच्या जिवलग मैत्रिणीच्या लग्नासाठी उदयपूरला गेली होती. या लग्नसोहळ्यासाठी ती तब्बल दोन दिवस उदयपूरमध्ये होती.

हे दोन दिवस तिच्यासाठी खूप खास आणि अविस्मरणीय ठरले. लग्नाचा आनंद, मित्रमैत्रिणींसोबतची मस्ती आणि सेलिब्रेशन तिनं केलं.

गिरिजासाठी जादुई क्षण कोणता होता हे तिनं पोस्टमध्ये सांगितलं. तिनं पोस्टमध्ये लिहिलंय, "दोन जिवलग माणसं आयुष्यभरासाठी एकमेकांची होतात, तो क्षण खरंच जादुई असतो."

"उदयपूरमध्ये लग्न सेलिब्रेट करताना दोन दिवस इतके मजेशीर, वेडे, सुंदर आणि मनाला भिडणारे गेले की काय सांगू! माझ्या फेव्हरेट गर्ल्ससोबत धमाल केली."

"नवीन मित्र-मैत्रिणी मिळाल्या, भरपूर डान्स केला, Mario बनून धमाल केली आणि खूपच टेस्टी जेवणाचा आस्वाद घेतला. एकंदरीत भन्नाट अनुभव!आणि या सुंदर साडीसाठी खास आभार"