Girija Oak: 'मला जमलं नाही...' वाळूत झोपून गिरिजा ओकचं बीच फोटोशूट, दिल्या भन्नाट पोज; हटके कॅप्शन चर्चेत

गेल्या काही दिवसांपासून सर्वांनाच आपल्या सौंदर्याची भुरळ पाडणारी गिरिजा ओक नॅशनल क्रश म्हणून संपूर्ण देशात प्रसिद्ध झाली आहे. तिच्या प्रत्येक कृतीकडे चाहते लक्ष लावून बसलेले आहेत.

एका मुलाखतीतील तिचे निळ्या साडीतील फोटो सोशल मीडियावर व्हायरल झाले आणि देशभरातील चाहत्यांनी तिला डोक्यावर घेतलं.

नुकतंच तिची एक वेबसीरिज रिलीज झाली असून सध्या ती या सीरिजच्या प्रमोशनमध्ये व्यस्त आहे.

काही वेळापूर्वी गिरिजाने ऑफ व्हाईट चेक्स साडीतील फोटो सोशल मीडिया अकाऊंटवर शेअर केले आहेत. यामध्ये ती नेहमीप्रमाणेच अतिशय सुंदर दिसत आहे.

गिरिजाने ऑफ व्हाईट रंगाची साडी नेसली असून त्यावर गुलाबी, निळ्या आणि हिरव्या रंगाचे चेक्स आणि फुलं आहेत.

गिरिजाने या साडीवर गुलाबी रंगाचं कॉलर ब्लाऊज घातलं आहे आणि त्यावर नाजूक फूल आणि वेलीचं नक्षीकाम आहे.

गिरिजाने मुंबईतील एका समुद्रकिनारी हे फोटोशूट केले आहे. यावेळी ती खूपच निरागस आणि देखणी दिसत आहे. चाहत्यांनी तिच्या फोटोंवर प्रेमाचा वर्षाव केला आहे.

काही फोटोंमध्ये गिरिजाने वाळूमध्ये झोपून पोज दिल्या आहेत. या फोटोंमध्ये गिरिजा नटखट आणि दिलखुलास हसताना दिसत आहे. यामुळे तिचं सौंदर्य आणखीनच खुललं आहे.

हे फोटो पोस्ट करताना गिरिजाने कॅप्शनमध्ये लिहिलंय, 'I couldn’t. You choose..'. म्हणजेच, 'मला जमलं नाही, तुम्हीच निवडा.'

गिरिजाने यावेळी एकच फोटो रंगीत आणि ब्लॅक अँड व्हाईट अशा दोन्ही छटांमध्ये पोस्ट केले आहेत. त्यामुळे तिला दोघांपैकी कोणता फोटो निवडावा हे समजत नसावं, असं दिसतंय.