वयाच्या 75 व्या वर्षी अभिनेत्रीचं निधन, 7 वर्षांआधी राहत्या घरात नवऱ्याचा मृत्यू; 3 दिवसांनंतर मिळाला होता मृतदेह

कर्ज, सत्ते पे सत्ता सारख्या सुपरहिट हिंदी सिनेमाची अभिनेत्री मधु मल्होत्रा यांचं वयाच्या 72 व्या वर्षी निधन झालं.  मधु मल्होत्रा यांचं निधन 13 मार्च 2026 रोजी मुंबईत निधन झालं. वृद्धापकाळानं त्यांचं निधन झालं. गेल्या काही दिवसांपासून त्यांची प्रकृती अस्वस्थ होती.

बॉलिवूडमध्ये 70-80 चा काळ मधु मल्होत्रा यांनी गाजवला. त्यांचं वैयक्तिक आयुष्य मात्र कधीच स्थिर नव्हतं. सात वर्षांआधी मधु यांच्या नवऱ्याचा धक्कादायक शेवट झाला होता. त्यांचा मृतदेह राहत्या घरात आढळून आला होता.

मधु मल्होत्रा यांनी 90 च्या दशकात बॉलिवूडचा खतरनाक खलनायक असलेल्या  महेश आनंद यांच्याशी लग्न केलं. महेश आनंद यांचं वैयक्तिक आयुष्य नेहमीच चर्चेत पाहिलं. त्यांची  पाच लग्न झाली होती. असं म्हणतात त्यांचे 12 अभिनेत्रींसोबत अफेअर होतं.

महेश केवळ एक अभिनेता नव्हते तर ब्लॅक बेल्ट असलेला एक कुशल मार्शल आर्टिस्ट देखील होते. त्यांनी 'सनम तेरी कसम' या चित्रपटातून नर्तक म्हणून चित्रपटसृष्टीत पदार्पण केले. त्यांच्या मजबूत व्यक्तिमत्त्वामुळे त्यांना अमिताभ बच्चन, रजनीकांत, कमल हासन, सलमान खान, विनोद खन्ना आणि मोहनलाल यांच्यासोबत प्रमुख भूमिका मिळाल्या.

जसजशी वर्षे गेली तसतसे ते हळूहळू चित्रपटसृष्टी आणि प्रसिद्धीपासून दूर गेले. भूमिका कमी होत गेल्या, कॉल थांबले आणि एकेकाळी गर्दीने वेढलेला माणूस आता फक्त टाळ्यांच्या आठवणींकडे उरला आहे.

अभिनेत्री मधु मल्होत्रा या महेश आनंद यांच्या तिसऱ्या पत्नी होत्या. पण त्यांचा संसार फारकाळ टिकला नाही. डिवोर्सनंतर मधु मल्होत्रा लाइम लाइटपासून दूर राहिल्या. त्याचप्रमाणे 2000 च्या दशकापर्यंत महेश आनंद देखील चित्रपटसृष्टीतून पूर्णपणे गायब झाले होते. एकेकाळी खतरनाक खलनायक साकारून महेश यांनी प्रेक्षकांना घाबरवलं होतं. त्याच महेश आनंद यांच्या आयुष्यात अत्यंत वाईट शेवट झाला.

फेब्रुवारी 2019 मध्ये या महेश आनंद यांचा मृत्यू झाला. त्यांच्या मृत्यूनंतर त्यांचा मृतदेह जवळपास 3 दिवस घरात पडून होता. त्यांच्या घराबाहेर दुधाची पाकिटं साचू लागली. त्यांच्या मोलकरणीने दार ठोठावलं पण आतून काही प्रतिसाद आला नाही. तीन दिवस हा प्रकार सुरू राहिल्यानंतर मोलकरणीने पोलिसांना कळवलं. पोलिसांनी दार उघडलं तेव्हा महेश आनंद मृतावस्थेत आढळले. त्यांच्यात हातात दारूच्या बाटल्या होत्या.