Madhuri Dixit: माधुरीसाठी वेडा झाला सुपरस्टार, तब्बल 73 वेळा पाहिला एकच सिनेमा, क्रेझ इतकी की अख्खं थिएटरच करायचा बुक

बॉलिवूडमध्ये आजवर अनेक प्रेमकथा घडल्या, काही पडद्यावर, काही पडद्यामागे. पण एका असा व्यक्ती होता जो धकधक गर्लवर वेडं प्रेम. माधुरी दीक्षितसाठी जो काहीही करायला तयार होता. पुर्ण थिएटर बुक करायचा. एवढंच काय तर त्याने माधिरीचा एकच सिनेमा 73 वेळा पाहिलाय.

90 च्या दशकात माधुरी दीक्षित हे नाव म्हणजे सौंदर्य, अभिनय आणि नृत्य यांचं परिपूर्ण उदाहरण होतं. तिचं प्रत्येक हास्य, तिची प्रत्येक अदा, प्रेक्षकांच्या मनात थेट घर करून जायची.

पण माधुरीच्या सौंदर्यावर फिदा झालेला हुसेन साहेब मात्र तिचा केवळ चाहता नव्हता तो तिच्या प्रेमातच पडला होता! प्रसिद्ध चित्रकार मकबूल फिदा हुसेन (एम.एफ. हुसेन).

हुसेन यांनी माधुरीचा ‘हम आपके हैं कौन’ चित्रपट 73 वेळा पाहिला. आणि तोही थिएटरमध्येच. इतकंच नव्हे तर अनेक वेळा त्यांनी संपूर्ण थिएटर स्वतःसाठी बुक केलं. लोकं त्यांना वेडसर म्हणत, पण हुसेन म्हणायचे, “ती फक्त अभिनेत्री नाही ती एक ‘इन्स्पिरेशन’ आहे.”

एम.एफ. हुसेन हे भारताचे सर्वात प्रसिद्ध चित्रकार होते. त्यांची ओळख ‘भारतीय चित्रकलेचा पिकासो’ अशी होती. त्यांनी माधुरीवर आधारित ‘गज गामिनी’ नावाचा चित्रपटही बनवला. हा चित्रपट त्यांनी स्वतः दिग्दर्शित केला आणि माधुरीने यात मुख्य भूमिका साकारली. हा चित्रपट बॉक्स ऑफिसवर चालला नाही, पण हे एक वेगळं आणि कलात्मक सिनेमा होतं.

माधुरी व्यतिरिक्त, हुसेन साहेब विद्या बालन, तब्बू, अनुष्का शर्मा, अमृता राव यांच्यावरही प्रेम करत होते. पण माधुरीसाठी त्यांचं प्रेम सर्वात खास होतं जसं एका कलाकारासाठी त्याच्या प्रेरणेसाठी असतं.

एम.एफ. हुसेन यांचे 2011 मध्ये निधन झाले. पण त्यांनी ज्या प्रकारे एका अभिनेत्रीवर प्रेम केलं, ते अजूनही लोकांसाठी एक सुंदर आठवण आहे. माधुरी दीक्षित अजूनही चित्रपटसृष्टीत सक्रिय आहे. तिच्या ‘मजा मा’, ‘द फेम गेम’ आणि ‘भूल भुलैया 3’ सारख्या नव्या प्रोजेक्ट्समुळे ती पुन्हा एकदा लोकांच्या मनात घर करत आहे.