Madhuri Dixit : कोकणात घरोघरी बनवला जाणारा हा पदार्थ माधुरीचा फेव्हरेट, अस्सल मराठमोळ्या पदार्थांच्या आहे प्रेमात

बॉलिवूडची 'धक धक-गर्ल' अर्थात माधुरी दीक्षित नेहमीच आपल्या वैयक्तिक आणि व्यावसायिक आयुष्यामुळे चर्चेत असते. माधुरी लवकरच 'मिसेज देशपांडे' या सीरिजच्या माध्यमातून OTT गाजवण्यास सज्ज आहे. या सीरिजमध्ये माधुरी पहिल्यांदाच सीरियल किलरचं पात्र साकारताना दिसेल. याआधी माधुरीने ओटीटीवरील 'द फेम गेम' या सीरिजमध्ये आपल्या अभिनयाची छाप पाडली होती. येत्या 19 डिसेंबरला ही सीरिज प्रेक्षकांच्या भेटीला येणार आहे.

माधुरी दीक्षित आज वयाच्या 58 व्या वर्षीही आपल्या सौंदर्याने, नृत्याने आणि अभिनयाने चाहत्यांना भूरळ पाडत असते. फॅन्सी डाएट करण्यापेक्षा घरगुती पदार्थांच्या माध्यमातून माधुरी आपलं फिटनेस सांभाळते.

माधुरी दीक्षित नुकतीच रणवीर अलाहाबादियाच्या पॉडकास्टमध्ये सहभागी झाली होती. यावेळी तने स्वयंपाक आणि आपल्या आवडीच्या पदार्थांबाबत भाष्य केलं. माधुरीला Kung Pao, साबुदाणा खिचडी, भाज्या आणि पोहे हे पदार्थ उत्तम बनवता येतात.

माधुरीला घरी बनवलेला वरण-भात आणि कोकणात बनवला जाणारे ओल्या खोबऱ्याचे उकडीचे मोदक हे पदार्थ प्रचंड आवडतात. वरण-भात आणि उकडीचे मोदक हे माधुरीचं कम्फर्ट फूड आहे.

जेवण बनवण्याबाबत माधुरी दीक्षित म्हणाली,"मी सतत काम करत होते त्यावेळी मला स्वयंपाक करायला जास्त जमायचं नाही. विशेष म्हणजे डॉ. श्रीराम नेने माझ्यापेक्षा छान जेवण बनवतात. खरंतर मी लग्नानंतर जेवण बनवायला शिकले आहे. डॉ. नेने यांनी मला काही पदार्थ शिकवले आहेत".

माधुरी दीक्षित म्हणाली,"माझ्या आईनेदेखील मला अनेक पदार्थ बनवायला शिकवले. मला उकडीचे मोदक भयंकर आवडतात आणि मला ते बनवतासुद्धा येतात. अजून काय हवं? गणेशोत्सवात बाप्पा घरी येतात तेव्हा ते दिवस माझ्या आयुष्यातील खूप छान दिवस असतात. कारण मला दररोज मोदक खायला मिळतात".

माधुरी पुढे म्हणाली,"शेंगदाणे घालून बनवलेली साबुदाणा खिडची मला आवडते. पण माझं कम्फर्ट फूड काय असेल तर ते वरण भात त्यावर तूप, लिंबाची फोड. तब्येक ठिक नसेल तर मी हेच जेवण करते".