ना शाहरुख, ना हृतिक; पन्नाशीत मराठमोळ्या अभिनेत्याचं हॉट ट्रान्सफॉर्मेशन, सिक्स पॅक ॲब्सच्या फोटोंनी इंटरनेटवर लावली आग

मराठी सिनेसृष्टीत अनेक अभिनेत्यांनी चाहत्यांना वेड लावलं आहे. मग ते अभिनय असो, डान्स असो किंवा मग त्यांचं फिटनेस असो. नुकतंच एका मराठमोळ्या अभिनेत्याने त्याचे ॲब्स दिसणारे हॉट फोटो सोशल मीडियावर शेअर केले आहेत. त्याचे हे फोटो वाऱ्यासारखे व्हायरल झाले असून महिला चाहत्या तर त्याच्या फोटोंवर घायाळ झाल्या आहेत.

चॉकलेट बॉय, सोज्वळ नायक आणि अभिनयाचा कसलेलं नाव म्हणजे उमेश कामत. पण आता उमेशने जे काही केलंय, ते पाहून अख्खी मराठी सिनेसृष्टी अवाक झाली आहे.

वयाची पन्नाशी जवळ आली असताना जिथे अनेकजण आरामाचा विचार करतात, तिथे उमेशने आपलं असं काही ट्रान्सफॉर्मेशन केलंय की भल्याभल्या तरुणांना घाम फुटेल. नुकतेच उमेशने त्याचे जिममधील सिक्स पॅक ॲब्स दाखवणारे फोटो सोशल मीडियावर शेअर केले आणि इंटरनेटवर जणू आग लागली.

उमेशने इन्स्टाग्रामवर त्याचे वर्कआउट फोटो पोस्ट केले आहेत. शर्टलेस असलेल्या या फोटोंमध्ये त्याचे पिळदार शरीर आणि सिक्स पॅक ॲब्स स्पष्ट दिसत आहेत. एरवी अत्यंत शांत आणि साधा दिसणारा उमेश जिममध्ये घाम गाळतोय.

चाहत्यांनी तर त्याला थेट "महाराष्ट्राचा शाहरुख खान" ही पदवी देऊन टाकली आहे. काहींनी त्याची तुलना शाहीद कपूर आणि टायगर श्रॉफशी केली असून, "पन्नाशीत इतका कडक लूक फक्त उमेशच करू शकतो," अशा कमेंट्सचा पाऊस पडत आहे.

उमेशच्या या प्रवासात त्याची बेटर हाफ म्हणजेच अभिनेत्री प्रिया बापट हिचा मोठा वाटा आहे. उमेशने जिममधील प्रियासोबतचा एक खास फोटोही शेअर केला आहे.

दोघेही अत्यंत जिद्दीने व्यायाम करताना दिसत असून, "प्रत्येक दिवशी हार्ड वर्क" असं कॅप्शन त्याने दिलं आहे. मराठी सिनेसृष्टीतील ही सर्वात फिट जोडी म्हणून ओळखली जाते आणि उमेशच्या या नवीन अवताराने हे पुन्हा एकदा सिद्ध झालं आहे.

सध्या उमेश कामत त्याच्या 'जर तरची गोष्ट' या नाटकाच्या प्रयोगांमध्ये व्यग्र आहे. या नाटकाला प्रेक्षकांचा भरभरून प्रतिसाद मिळत आहे. तसेच, अलीकडेच त्याचा 'ताठ कणा' हा चित्रपटही प्रदर्शित झाला, ज्यामध्ये त्याच्या भूमिकेचं प्रचंड कौतुक झालं. उमेशचे हे हॉट फोटो पाहून प्रत्येकजण म्हणतंय Age is just a number.