Sholay The Final Cut Collection : 50 वर्षांनी नाही चालली जय-वीरूची जुनी जादू, पहिल्या दिवशी 'शोले'नं किती केली कमाई?

बॉलिवूडचा आयकॉनिक सिनेमा 'शोले' 50 वर्षांनी पुन्हा रिलीज करण्यात आला आहे. 'शोले' सिनेमाची 50 वर्ष पूर्ण होताच मेकर्सनी शोले पुन्हा रिलीज करण्याचा निर्णय घेतला.

'शोले द फायनल कट' या नावाने हा सिनेमा रिलीज करण्यात आला आहे. शोले रिलीज निमित्तानं गब्बर, जय-वीरू, बसंती हे सगळे कॅरेक्टर पुन्हा एकदा प्रेक्षकांच्या भेटीला आलेत.

1975 साली रिलीज झालेला या सिनेमानं तेव्हा 300 कोटींहून अधिक कमाई केली होती. 50 वर्षांनी रिलीज झालेला शोले पुन्हा प्रेक्षकांची पसंतीस उतरला का? शोलेनं पहिल्या दिवशी किती कमाई केली?

12 डिसेंबर रोजी शोले पुन्हा रिलीज करण्यात आला. यावेळी सिनेमा 4K क्वालिटीसह रिलीज करण्यात आला आहे. दमदार साउंड क्वालिटीसह शोले पुन्हा प्रेक्षकांच्या भेटीला आला.

50 वर्षांआधी शोले 300 कोटींच्या बजेटमध्ये तयार करण्यात आला होता. सिनेमानं 350 कोटींहून अधिक कमाई केली होती. अनेक वर्ष सिनेमा थिएटरला सुरू होता.

शोले रिलीज झाला तेव्हा भारतात इमरजेन्स लागू होती. त्यामुळे सेन्सॉर बोर्डाने सिनेमातील अनेक हिंसक सीन्स काढून टाकले होते. आता 50 वर्षांनी शोले त्याच्या डिलिटेड सीन्ससह रिलीज झाला आहे.

सॅकनिल्कच्या रिपोर्टनुसार, शोले द फायनल कट या सिनेमानं पहिल्या दिवशी 30 लाखांची कमाई केली आहे. जय-विरूची ताकद 50 वर्षांनी कमी झाल्याचं पाहायला मिळतंय.

धर्मेंद्र, अमिताभ बच्चन, हेमा मालिनी, संजीव कुमार, जया बच्चन और अमजद खान यांच्यासह अनेक कलाकार यात सिनेमात महत्त्वाच्या भूमिकेत आहेत. 50 वर्षात अनेक कलाकारांनी जगाचा निरोप घेतला.