Ration: खायला धान्य नाही, पिंपरीकर 3 दिवसांपासून रांगेत, नेमकं घडलं काय?

शहरात ई-पॉस मशीन आणि सर्व्हरच्या सततच्या बिघाडामुळे धान्य वाटपाचा प्रश्न गंभीर बनला आहे. महिन्याच्या सुरुवातीपासूनच ही अडचण सुरू असून रेशन दुकानांमध्ये वितरण प्रक्रिया वारंवार ठप्प होत आहे. धान्य घेण्यासाठी आलेल्या नागरिकांना मशीन बंद असल्याचे अनेकदा रिकाम्या हाताने परतावं लागतं. काही ठिकाणी तासन्‌तास वाट पाहूनही वितरण सुरू होत नाही. फिंगरप्रिंट जुळत नसल्याने प्रक्रिया पुढे सरकत नाही. याबाबत पुरवठा विभागाकडे वारंवार तक्रारी करण्यात आल्या आहेत, मात्र समस्येवर अद्याप कोणताही ठोस उपाय केला जात नसल्याची खंत व्यक्त केली जात आहे.