'अचानक येऊन मला KISS केलं अन्...', LIVE परफॉर्मन्समध्ये BIGG BOSS फेम अभिनेत्रीसोबत घडलं भयंकर, आईने खेचून काढलं बाहेर

हरियाणाची शान आणि लाखो दिलांची धडकन सपना चौधरी सध्या The 50 या रिअ‍ॅलिटी शोमुळे पुन्हा एकदा चर्चेत आली आहे. स्टेजवर ठुमके लावून प्रेक्षकांना वेड लावणाऱ्या सपनाचं आयुष्य काट्यांनी भरलेलं होतं.

नुकतंच या शोमध्ये तिने आपल्या भूतकाळातील अशा काही जखमा उघड्या केल्या आहेत, ज्या ऐकून कोणाचंही काळीज पिळवटून निघेल. "माझ्यावर ३५ गुन्हे दाखल आहेत," असं म्हणत तिने आपल्या संघर्षाची कहाणी मांडली आहे.

सपनाने तिच्या करिअरच्या सुरुवातीचा एक अत्यंत भयावह किस्सा सांगितला. तेव्हा घराची आर्थिक ओढाताण प्रचंड होती. एक दिवस रात्री उशिरा एका कार्यक्रमाची ऑफर आली आणि पैशांच्या गरजेपोटी सपनाने लगेच होकार दिला.

पण जेव्हा ती लोकेशनवर पोहोचली, तेव्हा तिथलं दृश्य पाहून तिचे पाय लटलट कापायला लागले. सपनाने सांगितलं, "तिथे २५-३० टेबलं मांडली होती आणि प्रत्येक टेबलावर उघडी शस्त्रं, बंदूक, तलवारी ठेवल्या होत्या. समोर ५०-५५ खतरनाक माणसं बसली होती आणि तिथे मला नाचायचं होतं."

कार्यक्रम सुरू झाला, सपना जीव मुठीत धरून डान्स करत होती. तितक्यात एक माणूस स्टेजवर आला, तिच्या कानात काहीतरी पुटपुटला आणि निघून गेला. गोंधळामुळे सपनाला काहीच कळलं नाही.

भीतीपोटी तिची आई तिला तिथून घेऊन जाण्याचा प्रयत्न करत होती, पण आयोजकांनी दम दिला, "पैसे दिलेत, डान्स अजून बाकी आहे. नाचूनच जावं लागेल!"

नाईलाजाने सपना पुन्हा स्टेजवर गेली आणि अचानक तोच माणूस मागून आला, त्याने सपनाला जबरदस्ती किस केलं आणि पळून गेला. या प्रकारामुळे हादरलेल्या सपनाने डान्स थांबवला, पण तिथलं वातावरण पाहता तिची आई ढालीसारखी उभी राहिली आणि तिला ओढतच बाहेर घेऊन आली.

सपनाने खुलासा केला की, तिच्यावर आजवर ३५ गुन्हे दाखल झाले आहेत. पण हे गुन्हे चोरी किंवा मारामारीचे नसून, तिच्या कार्यक्रमात होणाऱ्या गोंधळाचे आहेत.

मेरठ, बागपत आणि बडोत यांसारख्या भागांत तिच्या डान्समुळे इतकी राडा-रोडी व्हायची की, प्रशासनाने तिच्यावर बंदी घातली होती. "लोक एकमेकांना भिडायचे, खुर्च्या तोडायचे आणि गुन्हे मात्र माझ्या नावावर व्हायचे," असं तिने सांगितलं.