Sunita Williams: अंतराळात राहून सुनीता विल्यम्स यांना मिळतो इतका पगार, ओव्हरटाईमचेही मिळतात पैसे!

भारतीय वंशाची नासाच्या अंतराळवीर सुनीता विल्यम्स यांच्या पृथ्वीवर परत येण्याचं काउंटडाउन सुरू झालं आहे. सुनीता आणि त्यांच्या सहकारी बुच हे मागील ९ महिन्यांपासून स्पेस स्टेशनमध्ये अडकून पडलेले आहे. पण आता त्यांच्या परतीचा प्रवास सुरू झाला आहे. स्पेस X हे यान लवकरच त्यांना परत घेऊन येणार आहे. पण ९ महिने स्पेस स्टेशनमध्ये अडकल्यानंतरही त्यांना पगार सुरू होता. सुनीता विल्यम्स यांना अंतराळात राहून किती पगार मिळाला हे तुम्हाला माहिती आहे का?

सुनीता विल्यम्स यांच्या पगाराबद्दल आणि एकूण संपत्तीबद्दल काही माहिती समोर आली. सुनीता विल्यम्सचा वेतन श्रेणी FE आहे. अमेरिकन सरकारच्या वेतनश्रेणीनुसार, नासा अंतराळवीरांना अनुभव आणि श्रेणीनुसार वेतन दिले जाते, जे GS-13 ते GS-15 पर्यंत असते

अनेक बातम्यांनुसार, एक अत्यंत अनुभवी अंतराळवीर म्हणून सुनीता विल्यम्स जीएस-१५ श्रेणीत येतात. ज्याचा अंदाजे वार्षिक पगार १५२,२५८ डॉलर भारतीय चलनामध्ये तब्बल १.३१ कोटी रुपये आहे.

पगाराव्यतिरिक्त, नासाच्या अंतराळवीरांना आरोग्य विमा, प्रगत मिशन प्रशिक्षण, मानसिक आधार आणि प्रवास भत्ता यासह अनेक फायदे मिळतात. याशिवाय, नासा अंतराळवीरांना ओव्हरटाईम देखील देते.

Marca.com नुसार, सुनीता विल्यम्स तिचे पती मायकेल जे. विल्यम्स यांच्यासोबत ह्युस्टन, टेक्सास येथे राहतात, जे फेडरल मार्शल आहेत. सुनीता विल्यम्सची अंदाजे एकूण संपत्ती ५ मिलियन डॉलर इतकी आहे.

सुनीता विल्यम्स आणि त्यांचा सह-अंतराळवीर बुच ५ जून २०२४ पासून आंतरराष्ट्रीय अंतराळ स्थानकावर (ISS) अडकून पडले आहेत. त्यांच्या बचावासाठी, शनिवारी फ्लोरिडा येथील केनेडी स्पेस सेंटरमधून क्रू ड्रॅगन कॅप्सूल घेऊन जाणारे फाल्कन ९ रॉकेट यशस्वीरित्या उड्डाण करण्यात आले.

क्रू-१० नावाच्या या मोहिमेअंतर्गत, विल्यम्स, विल्मोर आणि इतर दोन अंतराळवीरांच्या जागी चार सदस्यांची एक नवीन टीम आयएसएसमध्ये पाठवण्यात आली आहे.

खरंतर, तो सहा महिन्यांपूर्वी त्याचा विल्यम्स यांचा सहकारी बुच विल्मोरसोबत परतणार होता. परंतु बोईंग स्टारलाइनरमधील तांत्रिक समस्येमुळे त्याला जास्त काळ अंतराळात राहावं लागलं.