शरीराच्या त्या भागावर जेट स्प्रे मारताय; धुळ्याच्या डॉक्टर म्हणाल्या, 'स्वच्छ होत नाही, होतोय उलट परिणाम'

हल्ली बहुतेक घरांमध्ये वेस्टर्न टॉयलेट आहे. वेस्टर्न टॉयलेट म्हणजे जेट स्प्रे आलाच. त्यामुळे साधी लघवी केली तरी बहुतेक सगळेच जण जेट स्प्रेने ती जागा स्वच्छ करतात. विशेषत: महिला. पण खरंतर जेट स्प्रेने शरीराचा तो प्रायव्हेट पार्ट स्वच्छ होत नाहीच, उलट त्याचा उलटा परिणाम होतो आहे, असं डॉक्टरांनी सांगितलं आहे.

डॉक्टरांनी सांगितल्यानुसार वल्वा म्हणजे योनीमार्गाच्या बाहेरची स्किन किंवा त्वचा हे एक सेल्फ प्रोटेक्टिव्ह ऑर्गन आहे. म्हणजे तुम्ही काही केलं नाही तरी नैसर्गिकरित्या ते स्वत:ला स्वच्छ करत असतं. ती आम्ल असते म्हणजे त्याच अॅसिडीक पीएच असतो. त्याच चांगले जंतू म्हणजे हेल्दी बॅक्टेरिया लॅक्टोबॅसेलस असतात. तिसरं म्हणजे त्याच्यावर तेलाचा अगदी पातळ थर असतो.

योनीमार्गाची स्किन खूप पातळ असते. सारखं धुतल्याने तेथील तेलाचा पातळ थर नष्ट होतो. ती जागा कोरडी होते, खाज, जळजळ असा समस्या उद्भवतात. विशेषत: पाणी क्लोरिनेटेड असेल, त्यात क्षार असतील तर त्या स्किनवर सूज येते. ती लाल पडते, त्याच्यावर क्रॅक्स पडतात, ती दुखायला लागते.

जर यातील पीएच लेव्हल कमी झाला तर हेल्दी बॅक्टेरिया नष्ट होतात आणि दुर्गंधी निर्माण करणारे, इन्फ्केशन करणारे बॅक्टेरिया वाढतात.

धुळ्यातील स्त्रीरोग तज्ज्ञ डॉ. आराधना भामरे यांनी त्यांच्या इन्स्टाग्राम अकाऊंटवर पोस्ट केलेल्या व्हिडीओत ही माहिती दिली आहे.