Egg vs Chicken : अंड की चिकन, प्रोटीन कशात जास्त? वेट लॉस करणाऱ्यांसाठी कुठला पर्याय जास्त फायदेशीर

आजकालच्या धावपळीच्या जीवनात स्वतःला फिट ठेवणं हे एक मोठं आव्हान बनलं आहे. जिममध्ये जाणारे तरुण असोत किंवा वाढत्या वजनामुळे त्रस्त असलेले सामान्य लोक, प्रत्येकजण आता आपल्या डाएटमध्ये 'प्रोटीन'ला (Protein) प्राधान्य देत आहे.

शाकाहारी लोक डाळी किंवा पनीरकडे वळतात, तर मांसाहारी लोकांसाठी दोन सर्वात लोकप्रिय पर्याय असतात. अंडी आणि चिकन. पण, जेव्हा प्रश्न वजन कमी करण्याचा (Weight Loss) किंवा स्नायू बनवण्याचा (Muscle Gain) येतो, तेव्हा नेमका कोणता पदार्थ जास्त ताकदवान ठरतो? असा प्रश्न अनेकांना पडतो.

एका बाजूला 'संडे हो या मंडे, रोज खाओ अंडे' असं म्हटलं जातं, तर दुसरीकडे बॉडीबिल्डर्स 'चिकन ब्रेस्ट'ला पसंती देतात. या दोन्हीमधील पौष्टिक मूल्यांची तुलना आज आपण सविस्तरपणे करणार आहोत.

अंड्यांचे 'पॉवरपॅक' न्यूट्रिशनएका मोठ्या आकाराच्या अंड्यामध्ये साधारणपणे 6 ते 7 ग्रॅम प्रोटीन असते. अंड्याचे वैशिष्ट्य म्हणजे ते 'कम्प्लीट प्रोटीन' मानले जाते, कारण त्यात शरीरासाठी आवश्यक असलेले सर्व 9 अमिनो ॲसिड्स आढळतात. अंड्याच्या पांढरा भागात 3.6 ग्रॅम प्रोटीन असते आणि फॅट अजिबात नसतो. तर अंड्यातील पिवळा बलकामध्ये 2.7 ग्रॅम प्रोटीनसोबतच विटामिन A, B12, कोलीन आणि हेल्दी फॅट्स असतात.

अंड्याची 'बायोलॉजिकल व्हॅल्यू' 100 मानली जाते, याचा अर्थ असा की आपले शरीर अंड्यातील प्रोटीन पूर्णपणे शोषून घेऊ शकते.

चिकनचिकनबद्दल बोलायचं झालं तर चिकन ब्रेस्ट हे प्रोटीनचा खजिना आहे. जर आपण प्रमाणाचा विचार केला, तर 100 ग्रॅम चिकन ब्रेस्टमध्ये तब्बल 27 ते 32 ग्रॅम प्रोटीन असते. चिकन ब्रेस्टला 'लीन मीट' म्हणतात, कारण यात फॅट अत्यंत कमी आणि प्रोटीन जास्त असते. यात नियासिन, सेलेनियम, फॉस्फरस आणि विटामिन B6, B12 भरपूर प्रमाणात असतात, जे आपली रोगप्रतिकारक शक्ती आणि मेटाबॉलिज्म वाढवण्यास मदत करतात.

मग आता प्रश्न असा की वजन कमी करण्यासाठी काय खावं?1. जर तुमचे ध्येय 'मसल गेन' असेल: ॲथलीट्स आणि बॉडी बिल्डर्ससाठी चिकन ब्रेस्ट उत्तम आहे, कारण कमी कॅलरीजमध्ये तुम्हाला जास्त प्रोटीन मिळते.2. जर बजेट आणि सोय महत्त्वाची असेल: अंडी हा स्वस्त आणि मस्त पर्याय आहे. ते पचायला हलके असतात आणि शरीराला त्वरित पोषण देतात.3. विटामिन D साठी: अंड्यामध्ये विटामिन डी असते, जे हाडांच्या मजबुतीसाठी आवश्यक आहे, जे चिकनमध्ये कमी असते.तज्ज्ञांचा सल्ला:हेल्थ एक्सपर्ट्सच्या मते, फक्त एकाच गोष्टीवर अवलंबून राहण्यापेक्षा अंडी आणि चिकन या दोन्हीचा समतोल आहारात ठेवावा.

सकाळी नाश्त्याला अंडी आणि दुपारच्या किंवा रात्रीच्या जेवणात चिकनचा समावेश केल्यास शरीराला दर्जेदार प्रोटीन आणि आवश्यक सूक्ष्म पोषक घटक दोन्ही मिळतात. वजन कमी करताना केवळ प्रोटीन महत्त्वाचे नाही, तर ते तुम्ही कशा प्रकारे शिजवता हेही महत्त्वाचे आहे. भरपूर तेल वापरून बनवलेले चिकन रस्सा खाण्यापेक्षा वाफवलेले (Steamed) किंवा ग्रिल्ड चिकन आणि उकडलेली अंडी खाणे वेटलॉससाठी जास्त फायदेशीर ठरेल.