किचनमधील 'ही' वस्तू आहे केस आणि त्वचेसाठी वरदान! त्याचे फायदे ऐकून व्हाल थक्क

बरेच जण आपल्या जेवणात कढीपत्ता केवळ चवीसाठी वापरतात, जो प्रत्येक किचनमध्ये सहज मिळतो. पण खूप कमी लोकांना हे माहीत असेल की याचा वापर फक्त चवीपुरताच मर्यादित नाही, तर तो आरोग्याचा खजिना आहे. आयुर्वेदात याला औषधी वनस्पती मानलं जातं, ज्याच्या पानांमध्ये अँटीऑक्सिडंट, अँटीबॅक्टेरियल आणि अँटी-इंफ्लेमेटरी गुणधर्म असतात, जे अनेक आजार रोखण्यास मदत करतात.

आयुर्वेद तज्ज्ञ डॉ. प्रज्ञा सक्सेना सांगतात की, कढीपत्ता 'रुटासी' कुटुंबातील वनस्पती आहे, ज्यात अँटीमाइक्रोबियल आणि अँटीऑक्सिडंट गुणधर्म आहेत. ते खालील गोष्टींमध्ये उपयुक्त आहे:

त्यातील फायबर जे पचनक्रिया सुधारते. कार्मिनेटिव्ह घटक असतात, जे गॅस, बद्धकोष्ठता आणि ॲसिडिटीपासून आराम देतात. ग्लूकोज नियंत्रणात ठेवते, जे रक्तातील साखर संतुलित ठेवते.

कढीपत्त्यामध्ये असलेले अँटी-इंफ्लेमेटरी गुणधर्म रक्तवाहिन्या स्वच्छ ठेवतात आणि रक्त परिसंचरण सुधारतात. यामुळे हृदय निरोगी राहण्यास मदत होते आणि हृदयरोगाचा धोका कमी होतो.

केस आणि त्वचेसाठी वरदान मानलं जातं.  केस गळती असो किंवा कोंडा, कढीपत्ता दोघांवरही प्रभावी आहे. तो त्वचेसाठी नैसर्गिक अँटीबॅक्टेरियल एजंट आहे, जो इन्फेक्शन आणि पिंपल्सपासून संरक्षण देतो.

उन्हाळ्यात कढीपत्ता शरीराला थंडावा देतो. त्याची प्रकृती थंड असते, त्यामुळे उन्हाळ्यात त्याचे सेवन केल्याने शरीर आतून थंड राहते. तसेच शरीरातील उष्णतेमुळे होणारा थकवा आणि चिडचिडेपणाही दूर होतो.

डॉ. प्रज्ञा इशारा देतात की, जास्त प्रमाणात कढीपत्त्याचं सेवन हानिकारक असू शकतं. त्यामुळे उलट्या, चक्कर येणे किंवा पोटदुखीसारख्या समस्या उद्भवू शकतात. म्हणून वैद्यकीय सल्ला घेतल्यानंतरच नियमितपणे त्याचे सेवन करा.