ऑफिस रोमान्समध्ये भारत दुसऱ्या क्रमांकावर, का वाढतोय हा ट्रेंड? प्रोफेशनल-पर्सनल लाइफमध्ये संतुलन कसं राखाल?

आजच्या बदलत्या कार्यसंस्कृतीत, ऑफिस म्हणजे केवळ कामाचं ठिकाण राहिलेलं नाही. लोक दिवसातील जास्तीत जास्त वेळ सहकर्म्यांसोबत घालवतात, एकत्र काम करतात, प्रोजेक्ट्स शेअर करतात, ताणतणावाला सामोरे जातात आणि या सगळ्यातून अनेकदा भावनिक जवळीक तयार होणं स्वाभाविक आहे. त्यामुळेच ऑफिस रोमांस हा आता काही दुर्मिळ प्रकार राहिलेला नाही; उलट त्याचा स्वीकार लोकांमध्ये वाढताना दिसतो आहे.

अलीकडील जागतिक सर्व्हेनुसार, भारत ऑफिस रोमांसच्या बाबतीत जगात दुसऱ्या क्रमांकावर आहे. पहिल्या क्रमांकावर मेक्सिको आहे, पण भारतही फार मागे नाही. Ashley Madison आणि YouGov यांनी जाहीर केलेल्या अहवालात सांगितले आहे की सुमारे 40% भारतीय कर्मचाऱ्यांनी आपल्या सहकर्म्याला डेट केले आहे किंवा सध्या रिलेशनमध्ये आहेत. यावरून हे स्पष्ट होतं की ऑफिस रोमांस आता अफवा नसून अनेक ठिकाणी वास्तव बनला आहे.

सर्व्हेने आणखी एक गोष्ट उघड केली. पुरुष कर्मचारी सहकर्म्यांसोबतच्या नात्याबद्दल जास्त खुल्या पद्धतीने बोलतात, तर युवा कर्मचारी करिअरवर परिणाम होऊ नये म्हणून थोडे जपून पावले टाकताना दिसतात. एक्स्पर्ट्सचे म्हणणे आहे की भारतात नातेसंबंधांबद्दलची विचारसरणी झपाट्याने बदलत आहे आणि लोक आधुनिक नात्यांना पूर्वीपेक्षा जास्त स्वीकारत आहेत.

मात्र ऑफिस रोमांस असो वा कोणतंही नातं. ते टिकवण्यासाठी आणि करिअर बिघडू नये म्हणून काही गोष्टींची काळजी घेणं खूपच गरजेचं आहे.

काम आणि नातं यातील संतुलन राखण्यासाठी 5 महत्वाचे नियम

1. सीमारेषा ठरवाऑफिसमधील नातं असलं तरी ऑफिस म्हणजे कामाचं ठिकाण आहे हे लक्षात ठेवा. कोणत्या गोष्टी व्यावसायिक ठेवायच्या आणि कोणत्या खासगी, हे स्पष्ट करा. यामुळे अफवा कमी होतील आणि कामावर फोकस राहील.

2. खुला संवाद ठेवातुमच्या पार्टनरशी आधीच ठरवा की ऑफिसमध्ये कोणत्या गोष्टींबद्दल बोलायचं आणि काय खाजगीच ठेवलं पाहिजे. स्पष्ट संवादामुळे गैरसमज टळतात आणि नातं मजबूत राहातं.

3. कामाला प्राधान्य द्यानातं महत्वाचं आहे, परंतु डेडलाइन, जबाबदाऱ्या आणि प्रोफेशनल कमिटमेंट्स यांची किंमत विसरू नका. कामाच्या गुणवत्तेत कुठेही तडजोड करू नका

4. सर्वांसमोर प्रोफेशनल रहाऑफिसमध्ये जास्त एक्सप्रेशन, भांडण, मनमुटाव किंवा ओव्हर-ड्रामा टाळा. तुमची प्रोफेशनल इमेज तुमच्या करिअरसाठी खूप महत्वाची असते.

5. प्रायव्हसी जपासोशल मीडियावर सगळं शेअर केल्याने अफवा पसरू शकतात. कुठलीही माहिती पोस्ट करण्यापूर्वी दोनदा विचार करा. नात्याची गोपनीयता जपणं महत्त्वाचं आहे.

एकंदरी ऑफिस रोमांस वाढणं ही बदललेल्या विचारसरणीची खूण आहे, पण नातं आणि करिअर यात संतुलन राखणं सर्वात आवश्यक आहे. हे पाच नियम पाळले, तर ऑफिस रोमांस तुमच्यासाठी तणावाचं कारण न ठरता आनंदाचा स्रोत ठरू शकतं.