Winter Care Tips: हिवाळ्यात घरात थंडीला नो एंट्री, फक्त लावा ग्रीन हीटर, या वनस्पतींमुळे राहिल उबदार वातावरण

घर आणि ऑफिसचे वातावरण प्रसन्न ठेवण्यासाठी, शोभेसाठी आपण इंडोअर प्लांट ठेवतो. पण तुम्हाला माहिती आहे का? इंडोर प्लांट घर/ऑफीसला फक्त शोभाचं नाही तर हिवाळ्यात ऊब सुध्दा देतात. जाणून घेऊ अशा वनस्पती ज्या घरातील थंडी पळवून लावतील.

एरिका पाम ही वनस्पती घरातील हवेत आर्द्रता टिकवून ठेवते. त्यामुळे हिवाळ्यातील कोरडी हवा कमी होते आणि घर नैसर्गिकरित्या उबदार राहते. या झाडाची निगा राखणे खूप सोपे आहे. कारण या झाडाला दररोज पाण्याची आवश्यकता नसते. एरिका पाम झाडाला थेट सूर्यप्रकाश असलेल्या ठिकाणी ठेवू नये. रबर वनस्पती रबराची दाट हिरवी पाने उष्णता शोषण घेतात आणि घरातील तापमान संतुलित ठेवतात.

शिवाय, ही हवा शुद्ध करण्यासाठीही उत्कृष्ट ठरते. रबराचे झाड आपल्या घरामध्ये कमी सूर्यप्रकाश पोहचतो अशा जागी ठेवा. तसेच भांड्यातील माती पूर्णपणे कोरडे झाल्यावरच त्यात पाणी घालावे. स्नेक वनस्पती ही वनस्पती रात्री ऑक्सिजन सोडते, ज्यामुळे घरातील हवा ताजी राहते आणि हिवाळ्यातील बंद वातावरणात उबदारपणा टिकतो. घरातील हवेत आढळणारी इतर कठोर रसायने शोषून घेण्यास प्रभावी आहे.

एवढेच नाही तर ही वनस्पती ऑक्सिजन देखील तयार करते. हे झाड घरामध्ये जास्त प्रकाश येतो अशा त्याठिकाणी ठेवा. या झाडाला कमी पाण्याची आवश्यकता असते. दोन ते तीन दिवसांनी पाणी घालू शकता. मनी प्लांट भिंतींवर किंवा खिडकीजवळ लावल्यास ही वनस्पती उष्णता धरून ठेवते आणि घरातील वातावरण उबदार बनवते.

कोरफड त्वचा आणि सौंदर्याच्या काळजीसाठी वापरली जाणारी कोरफड सर्वांच्याच ओळखीची वनस्पती. ही वनस्पती सूर्यप्रकाशात उष्णता शोषते आणि रात्री उष्णता हळूहळू सोडते. यामुळे घरात उबदारपणा निर्माण होतो.

कोरफड शक्यतो घरात खिडकीजवळ ठेवावी. तिला भरपूर सूर्यप्रकाशाची आणि अत्यंत कमी पाण्याची गरज असते. पीस लिली ही वनस्पती आर्द्रता टिकवून ठेवते आणि हिवाळ्यातील कोरडी हवा टाळते. त्यामुळे घरातील वातावरण ओलसर आणि उबदार राहते. पीस लिलीसाठी घरातील जास्त सुर्यप्रकाशाची जागा निवडा. आठवड्यातून एकदाच पाणी घाला.

इंग्लिश आयव्ही घरामध्ये शोभेसाठी वापरली जाणारी इंग्लिश आयव्ही सुंदर वेल. ही घरातील धूळ आणि विषारी घटक शोषून घेते. तसेच उष्णता कायम ठेवण्यास मदत करते. ही घराच्या भिंतीजवळ ठेवली की हिवाळ्यात थंडी कमी जाणवते. घरातल्या आयव्हीला हिवाळ्यात थोडा थेट प्रकाशही चालतो. पण जास्त पाणी चालत नाही.